Daniel 11:12 - An Bibel Kernewek 20234 (Kernewek Kemmyn)

¹² Pan vo an ost na kemmerys dhe-ves, y golonn a vydh ughelhes, hag ev a wra dhe dheg-milyow koedha, mes ny wra ev tryghi.

Daniel 11:12 Iomraidhean Croise

2 Myghternedh 14:10

Ty re weskis Edom, dhe wir, ha dha golonn re'th trehevis. Bydh lowen gans an glori ha gorta y'n chi; rag prag y fynnydh entra yn trobel ha koedha, ty ha Yuda genes?’

2 Kroniklys 25:19

Ty a lever, “Mir, my re fethas Edom”, ha'th kolonn re'th trehevis yn-bann yn balghder. Mes lemmyn gorta tre; prag y strivydh rag trobel ha dri terroes warnas ha war Yuda genes?’

2 Kroniklys 26:16

Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

Lavarow Koth 16:18

Goeth a dheu kyns distruyans, ha spyrys howtyn kyns koedh.

Ezekiel 28:17

Dha golonn o goethus y'th tekter, ty a dhefolas dha furneth drefenn dha splannder. Ytho my a'th tewlis dhe'n dor, my a'th worras a-rag myghternedh, dhe vires warnas gans skorn.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 28:5

Gans dha furneth vras ha'th kenwerth ty re ynkressyas dha rychys ha'th kolonn re beu drehevys drefenn dha rychys.

Daniel 11:11

Ena myghtern an dhyghowbarth a vydh serrys fest, dos yn-mes ha batalyas orto, orth myghtern an gledhbarth, neb a guntell ost bras, mes an ost na a vydh gorrys yn y dhorn.

Daniel 11:13

Rag myghtern an gledhbarth a dhehwel, ha kuntell ost brassa ages an kynsa; orth diwedh nebes blydhynyow y teu gans lu bras ha daffar pals.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Daniel 8:25

Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

1 Timothi 3:6

Na vedhes ev dyskybel nowydh na goettho yn breus an jowl dre woeth.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’