Daniel 10:6 - An Bibel Kernewek 20234 (Kernewek Kemmyn)

⁶ Y gorf o avel owrven, y dremmynn o haval dhe lughesenn, y dhewlagas avel faglennow a dan; y dhiwvregh ha'y dhewdroes a wolowi avel brons splann, ha son y lev avel tros routh.

Daniel 10:6 Iomraidhean Croise

Eksodus 28:20

ha'n peswora owrven, onyks ha yasper; plethweyth owr i a vydh yn aga lagasow.

An Gan a Ganow 5:14

Avel gwelynni owr yw y dhiwvregh, afinys gans topaz; y dorr yw plat a dhans olifans, afinys gans saffir.

Ezekiel 1:14

An kreaturs bew a boenya ha dehweles kepar ha lughesenn.

Ezekiel 1:16

Semlans an rosow ha'ga framweyth o avel liw owrven, ha'n keth hevelep dh'aga feswar. Aga semlans ha'ga framweyth o avel ros yn kres ros.

Ezekiel 1:24

My a glewas son aga eskelli, avel son dowrow pals, hag i ow mos, avel lev an Ollgalloesek, son tervans lu. Pan sevens, i a asa aga eskelli dhe goedha.

Ezekiel 1:7

Aga garrow o garrow ewn; godhnow aga garrow o avel godhen leugh, ow terlentri avel brons splannhes.

Ezekiel 10:9

My a viras, hag otta peder ros ryb an cherubim, unn ros ryb an unn cherub, ha ros arall ryb cherub arall, ha semlans an rosow o haval dhe owrven.

Ezekiel 40:3

Ev a'm dros ena, hag otta, yth esa gour, y semlans haval dhe semlans brons, gans kordenn a lien ha korsenn-vusura yn y leuv; hag yth esa ow sevel y'n yet.

Ezekiel 8:2

My a viras, hag otta hevelep kepar ha semlans gour. Dhiworth an rann a hevelis bos y dhiwglun bys an leur y feu tan, ha dhiworth y dhiwglun war-vann kepar ha'n semlans a splannder, avel amber ow lentri.

Matthew 17:2

Hag ev a veu treusfigurys a-ragdha, ha'y fas a derlentris avel an howl, ha'y dhillas o mar wynn avel an golow.

Matthew 28:3

Y semlans o avel lughes, ha'y wisk gwynn avel an ergh.

Luk 9:29

Hag ev ow pysi, semlans y fas a janjyas ha'y dhillas a veu kann, ow terlentri.

Diskwedhyans 10:1

Ha my a welas ken el nerthek ow tos yn-nans dhiworth nev, ow kwiska kommolenn, ha kammneves war y benn, ha'y fas kepar ha'n howl, ha'y dreys kepar ha kolovenyow a dan.

Diskwedhyans 19:12

Ha'y dhewlagas o kepar ha tan ow flammya, ha war y benn yth esa lies diadem; ha hanow skrifys a'n jevo na wodhya denvyth marnas ev y honan.

Diskwedhyans 2:18

‘Ha dhe el an eglos yn Thyatira skrif: An taklow ma a lever Mab Duw a'n jeves dewlagas kepar ha flamm a dan, ha treys kepar ha brest fin:

Diskwedhyans 21:20

an pympes sardonyks, an hweghves sardius, an seythves krysolithus, an ethves beryl, an nawves topaz, an degves krysopras, an unnegves hyakinth, an dewdhegves amethyst.