Daniel 10:16 - An Bibel Kernewek 20234 (Kernewek Kemmyn)

¹⁶ Hag otta, onan haval dhe vab-den a dochyas ow diwweus; hag my a igoras ow ganow ha kewsel. Dhodho ev neb esa ow sevel a-ragov y leveris, ‘Ow arloedh, drefenn an welesigeth re dheuth gloesow warnav, ha ny'm beus nerth namoy.

Daniel 10:16 Iomraidhean Croise

Eksodus 4:10

Ha Moyses a leveris dhe'n Arloedh, ‘Ogh, ow Arloedh, nyns ov gour a eryow, na kyns es lemmyn, nag a-ban gewssys orth dha was, rag lent ov a anow ha lent a daves.’

Eksodus 4:13

Hag ev a leveris, ‘Ogh, ow Arloedh, dannvon, my a'th pys, neb ken den.’

Ekklesiastes 1:18

Rag yn palster a furneth yma meur a dhuwon, ha seul a guntell godhvos a guntell poen.

Ysay 6:7

Ev a dochyas ow ganow, ha leverel, ‘Awotta, homma re dochyas dha dhiwweus ha treylys dhe-ves yw dha anewnder, ha gevys yw dha begh.’

Yeremia 1:9

Ha'n Arloedh a ystynnas y leuv ha tochya ow ganow. Hag yn-medh an Arloedh dhymm, ‘Awotta, my re worras ow geryow y'th hanow.

Ezekiel 1:26

A-ugh an fyrmament esa a-ugh aga fennow yth esa hevelep men saffir, an hevelep a dron; ha war hevelep an tron yth esa an hevelep a dhen a-ughti.

Ezekiel 3:27

Mes pan gowsav orthis, my a iger dha anow, ha ty a lever dhedha, ‘Yndellma y lever An Arloedh Duw.’ Ev neb a glew, klewes; hag ev neb a skon, skonys; rag chi diwostydh yns i.

Ezekiel 33:22

Leuv an Arloedh a veu warnav gorthugherweyth kyns dos an dianker; mes ev re igorsa ow ganow erbynn an termyn may teuth dhymm myttin; ytho ow ganow o igerys, ha nyns en vy avlavar na fella.

Daniel 12:8

My a glewas, mes ny gonvedhis; ytho y leveris, ‘A'm arloedh, pandr'a vydh siwyans an taklow ma?’

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 7:15

Ha my, Daniel, o prederus ow spyrys ynnov, ha gwelesigethow ow fenn a'm trobla.

Daniel 7:28

Ottomma diwedh an mater. My, Daniel, o troblys yn fen gans ow frederow, ha'm liw a janjyas, mes my a withas an dra y'm brys.

Daniel 8:15

Pan welsen vy, Daniel, an welesigeth, my a hwilas hy honvedhes; hag otta, y sevis dheragov onan ha dhodho semlans gour.

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Daniel 8:18

Hag ev ow kewsel orthiv, my a goedhas yn klamder, gans ow fas troha'n dor. Mes ev a'm tochyas, ha'm settya a'm sav.

Daniel 8:27

Ha my, Daniel, a glamderas, hag o klav dre nebes dydhyow; ena my a sevis ha gul negys an myghtern. Mes skruth a'm kemmeras drefenn an welesigeth, o dres konvedhes.

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Luk 1:64

Desempis igerys veu y anow, ha'y daves, hag ev a gewsi, ow kormel Duw.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Yowann 20:28

Tommas a worthybis, ha leverel dhodho, ‘Ow Arloedh, ha'm Duw!’

Yoshua 5:14

Hag ev a leveris, ‘Na, mes my re dheuth lemmyn avel bennsevik lu an Arloedh.’ Ha Yoshua a goedhas dhe'n dor war y fas, ha gordhya, ha leverel dhodho, ‘Pandr'a lever ow Arloedh dh'y was?’

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.

Breusysi 13:8

Ena Manoagh a bysis war an Arloedh, ha leverel, ‘A Arloedh, my a bys, gas may teffo dhyn arta an gour Duw a dhannvensys, ha dyski dhyn an pyth dhe wul a-dro dhe'n mab hag a vydh genys.’

Breusysi 6:13

Gideon a worthybis dhodho, ‘Mes, syrra, mars usi an Arloedh genen, ytho prag y hwarva oll hemma dhyn? Ha ple'ma oll an gweythresow marthys a dherivas agan tasow dhyn, ow leverel, “A ny wrug an Arloedh agan dri yn-bann a Ejyp?” Mes lemmyn an Arloedh re'gan tewlis dhe-ves, ha'gan ri yn leuv Midyan.’

Breusysi 6:15

Ev a worthybis, ‘Ow Arloedh, fatell allav delivra Ysrael? Ow hordh yw an gwanna yn Manasse, ha my yw an lyha yn ow theylu.’