Daniel 10:1 - An Bibel Kernewek 20234 (Kernewek Kemmyn)

¹ Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 10:1 Iomraidhean Croise

Jenesis 41:32

Ha rag bos an hunros diskwedhys diwweyth dhe Faro, sur yw, an dra dhe vos fondys gans Duw hag yma Duw ow fistena dh'y wul.

2 Kroniklys 36:22

Yn kynsa blydhen Kyrus myghtern Persia, ow kollenwel ger an Arloedh kewsys dre anow Yeremia, an Arloedh a wrug dhe spyrys Kyrus myghtern Persia difuna, hag ev a dhannvonas kannas der oll y ruvaneth, hag yn skrif maga ta, ow leverel:

Ezra 3:7

I a ros arghans ynwedh dhe'n seri men, ha dhe'n seri prenn; ha boes, diwes hag oyl dhe'n dus a Sidon, ha'n dus a Tyr, may trollens kederwydh a-dhiworth Lebanon dhe vor Yoppa, herwydh an kummyas a dhegemmersens dhiworth Kyrus myghtern Persia.

Ezra 4:3

Mes Zerubbabel, Yeshua ha'n bennow teyluyow erell a Ysrael, a leveris dhedha, ‘Ny'gas beus travyth dhe wul genen rag drehevel chi dh'agan Duw; mes ni agan honan war-barth a vynn drehevel rag an Arloedh, Duw Ysrael, dell erghis dhyn myghtern Kyrus, myghtern Persia.’

Ezra 4:5

Hag i a falswobras kusulyadoryon er aga fynn, dhe lesta aga thowl, der oll dydhyow Kyrus myghtern Persia, bys yn reyn Darius myghtern Persia.

Ezra 6:14

Ha henavogyon an Yedhewon a dhrehevis, ha sewena dre brofoesans Haggay an profoes ha Zekaria mab Iddo. Hag i worfennas drehevel herwydh gorhemmynn Duw Ysrael, ha herwydh arghadow Kyrus, ha Darius, hag Artakserkses myghternedh Persia.

Ezra 6:3

Yn kynsa blydhen Kyrus an myghtern, an myghtern a dhellos arghadow a-dro dhe ji Duw yn Yerusalem: Bedhes dastrehevys an chi, le mayth offrynnons sakrifisow, ha bedhes offrynnow leskys dres; tri-ugens kevelin a vydh y ughelder, ha tri-ugens kevelin y les,

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Daniel 1:21

Ha Daniel a veu ena bys yn kynsa blydhen myghtern Kyrus.

Daniel 1:7

Ha penn an spadhesigyon a ros dhedha les-henwyn: Daniel a henwis Belteshassar, Hanania a henwis Shadrak, Mishael a henwis Meshak, hag Azaria a henwis Abednego.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 11:2

‘Ha lemmyn y tispletyav dhis an gwiryonedh. Otta, y hwra tri myghtern moy sevel yn Persia, hag y fydh an peswora moy rych yn feur agessa i oll; ha pan vydh ev galloesek der y rychys, y hwra ev dhe beub difuna erbynn an ruvaneth Grek.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Daniel 12:9

Hag ev a leveris, ‘Ke, Daniel, rag y fydh an taklow ma gwithys yn-dann gel ha selys bys prys an diwedh.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 4:8

Ha wortiwedh y teuth a-ragov Daniel, henwys Belteshassar war-lergh hanow ow duw, mayth usi ynno spyrys an duwow sans; ha'n hunros a-ragdho a dherivis:

Daniel 5:12

rag y feu kevys spyrys bryntin, godhvos, ha skians dhe styrya hunrosow, dhe glerhe kevrinyow ha dhe dhigelmi kudynnow ynno – yn Daniel, neb o henwys Belteshassar gans an myghtern. Lemmyn re bo Daniel gelwys, hag ev a wra diskwedhes an styr.’

Daniel 5:17

Ena Daniel a worthybis a-rag an myghtern, ‘Dha rohow re bons ragos jy dha honan, ha ro dha bewasow dhe gen dhen; byttegyns my a red an skrif dhe'n myghtern, ha diskwedhes dhodho y styr.

Daniel 6:28

Ytho an Daniel ma a sewenis yn-dann reyn Darius ha reyn Kyrus an Persian.

Daniel 8:16

Ha my a glewas lev den yntra glannow an Ulay, hag y helwis ow leverel, ‘Gabriel, gwra dhe hemma konvedhes an welesigeth.’

Daniel 8:26

Gwelesigeth an gorthugher ha'n myttin, re beu leverys, yw an gwiryonedh; mes ty, gwra selya an welesigeth, rag yth yw a-dro dhe lies dydh alemma.’

Luk 1:20

Hag otta, avlavar vydhydh, heb galloes kewsel bys y'n jydh may hwrer an taklow ma, drefenn na gryssys dhe'm geryow, a vydh kowlwrys yn aga thermyn.’

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’