Daniel 1:7 - An Bibel Kernewek 20234 (Kernewek Kemmyn)

⁷ Ha penn an spadhesigyon a ros dhedha les-henwyn: Daniel a henwis Belteshassar, Hanania a henwis Shadrak, Mishael a henwis Meshak, hag Azaria a henwis Abednego.

Daniel 1:7 Iomraidhean Croise

Jenesis 41:45

Ha Faro a elwis hanow Yosep Safenath-paaneagh, ha ri dhodho Asenath, myrgh Potifera, oferyas On avel gwreg. Ha Yosep eth yn-mes der oll pow Ejyp.

2 Myghternedh 23:34

Faro Neko a wrug dhe Elyakim mab Yosia bos myghtern yn le y das Yosia, ha chanjya y hanow dhe Yehoyakim. Mes ev a gemmeras Yehoahaz dhe-ves; ev a dheuth dhe Ejyp ha merwel ena.

2 Myghternedh 24:17

Ha myghtern Babylon a wrug dhe Mattania, ewnter Yehoyakin, bos myghtern yn y le, ha chanjya y hanow dhe Sedekia.

Daniel 1:19

Ha'n myghtern a gewsis gansa, ha nyns esa nagonan yn mysk oll an vebyon avel Daniel, Hanania, Mishael hag Azaria, pan sevsons a-rag an myghtern.

Daniel 1:3

Ena an myghtern a worhemmynnis dhe Ashpenaz, penn y spadhesigyon, dhe gyrghes dhodho re a vebyon Ysrael, keffrys a'n teylu ryel ha'n welhevin,

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 2:26

An myghtern a leveris dhe Daniel, henwys Belteshassar, ‘A wodhes derivas dhymm an hunros re welis vy, ha'n styr anedhi?’

Daniel 2:49

Ena Daniel a wovynnas orth an myghtern, hag ev a apoyntyas Shadrak, Meshak hag Abednego war venystrans rannvro Babylon. Mes Daniel – yth esa yn porth an myghtern.

Daniel 4:5

Hunros a welis hag a wrug own dhymm; prederow war ow gweli ha gwelesigethow ow fenn a'm euthega.

Daniel 4:8

Ha wortiwedh y teuth a-ragov Daniel, henwys Belteshassar war-lergh hanow ow duw, mayth usi ynno spyrys an duwow sans; ha'n hunros a-ragdho a dherivis:

Daniel 5:12

rag y feu kevys spyrys bryntin, godhvos, ha skians dhe styrya hunrosow, dhe glerhe kevrinyow ha dhe dhigelmi kudynnow ynno – yn Daniel, neb o henwys Belteshassar gans an myghtern. Lemmyn re bo Daniel gelwys, hag ev a wra diskwedhes an styr.’