Daniel 1:4 - An Bibel Kernewek 20234 (Kernewek Kemmyn)

⁴ gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Daniel 1:4 Iomraidhean Croise

Jenesis 41:46

Ha Yosep o deg bloedh warn ugens y oes pan sevis a-rag Faro myghtern Ejyp. Ha Yosep eth yn-mes dhiworth golok Faro ha tremena der oll pow Ejyp.

2 Samuel 14:25

Mes yn oll Ysrael nyns esa denvyth moy kanmelys rag y dekter ages Absalom; dhiworth godhen y droes bys yn gwartha y benn nyns esa namm vyth ynno.

Lavarow Koth 22:29

A welydh an gour skentel yn y ober? Ev a sev a-rag myghternedh; ny sev a-rag tus kemmyn.

Ekklesiastes 7:19

Furneth a re nerth dhe dhen fur, moy es deg rewler usi yn sita.

Ysay 36:11

Ena Elyakim, Shebna ha Yoagh a leveris dhe'n Rabshake, ‘Kows, my a'th pys, dhe'th servysi yn Aramaek rag ni a'n konvedh; na gows orthyn yn Yedhowek a-ji dhe glewans an bobel usi war an fos.’

Yeremia 5:15

Otta, my a dhre warnowgh kenedhel a bellder, A ji Ysrael, yn-medh an Arloedh: kenedhel yw neb a dhur, kenedhel goth, kenedhel anedhi na wodhes hy yeth, na konvedhes an pyth a leverons.

Daniel 2:10

An Kaldeanys a worthybis dhe'n myghtern ow leverel, ‘Nyns eus denvyth y'n bys neb a yll styrya mater an myghtern; yndella ny wrug myghtern, na gwalader na rewler govynn tra a'n par ma dhiworth huder, po dhiworth gorhenyas, po dhiworth Kaldean.

Daniel 2:2

Ena an myghtern a erghis may fe gelwys an hudoryon, an worhenysi, an bystrioryon, ha'n Kaldeanys, rag displegya dhe'n myghtern y hunrosow. Ytho y teuthons a-ji ha sevel a-dherag an myghtern.

Daniel 3:8

Ytho rakhenna orth an prys ma, nebes gwer a Kaldea a dheuth nes, hag a guhudhas an Yedhewon.

Daniel 4:7

Ena y teuth an hudoryon, an worhenysi, an Kaldeanys, ha'n goelyogyon; ha my a dherivas dhedha an hunros, mes ny yllens diskwedhes dhymm y styr.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Daniel 5:7

An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’

Daniel 9:1

Yn kynsa blydhen Darius, mab Ahasuerus, a has an Medys, neb a veu gwrys myghtern war wlaskor an Kaldeanys,

Zekaria 2:4

ha leverel dhodho, ‘Poenya gwra, deriv orth an yonker na: Yerusalem a vydh sita heb fosow drefenn an myns meur a dus ha bestes a-ji dhedhi.

Oberow 7:20

Y'n termyn ma y feu Moyses genys, ha teg o a-wel dhe Dhuw. Ev a veu megys tri mis yn chi y das,

Oberow 7:22

Ha Moyses a veu dyskys yn oll skentoleth an Ejyptianys, ha nerthek o yn y eryow ha'y oberow.

Efesianys 5:27

may proffya an eglos dhodho ev y honan, splann, heb brith na krygh, na travyth a'n par na, saw may fe hi sans ha dinamm.

Breusysi 8:18

Ena ev a leveris dhe Zebagh ha Salmunna, ‘Py par gwer a ladhsowgh yn Tabor?’ I a worthybis, ‘Par dell os, yndella yth ens. Haval ens dhe vebyon myghtern.’