Daniel 1:19 - An Bibel Kernewek 20234 (Kernewek Kemmyn)

¹⁹ Ha'n myghtern a gewsis gansa, ha nyns esa nagonan yn mysk oll an vebyon avel Daniel, Hanania, Mishael hag Azaria, pan sevsons a-rag an myghtern.

Daniel 1:19 Iomraidhean Croise

Jenesis 41:46

Ha Yosep o deg bloedh warn ugens y oes pan sevis a-rag Faro myghtern Ejyp. Ha Yosep eth yn-mes dhiworth golok Faro ha tremena der oll pow Ejyp.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Lavarow Koth 22:29

A welydh an gour skentel yn y ober? Ev a sev a-rag myghternedh; ny sev a-rag tus kemmyn.

Yeremia 15:19

Rakhenna yndellma y lever an Arloedh: Mar tehwelydh, ena my a'th taskemmer, ha ty a sev arta a-ragov: ha mar leverydh an pyth yw drudh a-der an pyth yw divri, ty a vydh avel leveryas ragov: gas i dhe dhehweles dhiso jy, mes ty na dhehwel dhedha i.

Daniel 1:18

Orth penn an dydhyow, pan leveris an myghtern dh'aga hyrghes, penn an spadhesigyon a's dros a-rag Nebukadnessar.

Daniel 1:4

gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Daniel 1:5

An myghtern a dhewisis ragdha rann bub-dydhyek a voes an myghtern, ha'n gwin a wre y eva y honan, dhe vos megys yndella dre deyr blydhen; may hallens sevel a-rag an myghtern orth diwedh an termyn na.

Daniel 1:6

Yn mysk an Yedhewon ma yth esa Daniel, Hanania, Mishael hag Azaria.

Daniel 1:7

Ha penn an spadhesigyon a ros dhedha les-henwyn: Daniel a henwis Belteshassar, Hanania a henwis Shadrak, Mishael a henwis Meshak, hag Azaria a henwis Abednego.

Daniel 2:13

Yndella y feu dyllys gorhemmynn dredho may fe pub den fur ledhys; hag i a hwilas Daniel ha'y gowetha, rag aga ladha.

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’