Breusysi 8:5 - An Bibel Kernewek 20234 (Kernewek Kemmyn)

⁵ Ytho ev a leveris dhe wer Sukkoth, ‘My a'gas pys, rowgh torthow a vara dhe'm holyoryon, rag skwith yns hag yth esov owth helghya Zebagh ha Salmunna, myghternedh Midyan.’

Breusysi 8:5 Iomraidhean Croise

Jenesis 14:18

Ha Melkisedek myghtern Salem a dhros yn-mes bara ha gwin, hag ev o oferyas Duw Ughella.

Jenesis 33:17

Mes Yakob a lavuryas dhe Sukkoth ha drehevel chi dhodho, ha rag y jatel ev a wrug skovvaow. Rag henna ev a elwis hanow an tyller Sukkoth.

Salmow 60:6

Duw re gewsis yn y sansoleth: ‘My a lowenha, ha ranna Shekem, ha musura nans Sukkoth.

Dewteronomi 23:4

drefenn na'gas metsons gans bara ha gans dowr y'n fordh pan dheuthewgh yn-mes a Ejyp, hag arveth er dha bynn Balaam mab Beor dhiworth Pethor yn Aram Naharaym dhe'th vollethi.

Breusysi 5:23

‘Molleth Meroz, a lever el an Arloedh, molleth yn hwerow y annedhysi, rag na dheuthons dhe weres an Arloedh, dhe weres an Arloedh erbynn an re alloesek.

Breusysi 8:10

Yth esa Zebagh ha Salmunna yn Karkor gans aga lu, a-dro dhe bymthek mil wour, oll remenant lu mebyon an est, rag hwegh ugens mil gledhevor re goedhsa.

Breusysi 8:12

Zebagh ha Salmunna a fias dhe'n fo; hag ev a's holyas, hag a synsis an dhew vyghtern a Midyan, Zebagh ha Salmunna, ha gorra oll an lu yn skruth.

Breusysi 8:15

Ena ev a dheuth dhe wer Sukkoth, hag a leveris, ‘Ottomma Zebagh ha Salmunna dredha may hwrussowgh ges ahanav, ow leverel, “Eus genes seulabrys y'th leuv Zebagh ha Salmunna, rag may ryllyn bara dhe'th wer yw gyllys skwith?” ’

1 Samuel 25:18

Ena Abigayl a fistenas ha kemmeres dew kans torth-vara, ha diw seth a win, pymp davas pareusys, ha pymp sea a ys rostys, ha kans tesenn a rappys, ha dew kans tesenn a figys. Hi a's gorras war asenes