Breusysi 8:3 - An Bibel Kernewek 20234 (Kernewek Kemmyn)

³ Duw re ros ynter agas diwla pennsevigyon Midyan, Oreb ha Zeeb; pyth a yllis vy y wul avelowgh?’ Pan leveris hemma aga sorr orto a lehas.

Breusysi 8:3 Iomraidhean Croise

Salmow 115:1

Na ro dhyn ni, A Arloedh, na ro dhyn ni an gordhyans, mes dhe'th hanow jy, a-barth dha dregeredh ha'th wiryonedh.

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Lavarow Koth 15:1

Gorthyp medhel a dreyl konnar dhe-ves, mes ger tynn a dhre sorr yn-bann.

Lavarow Koth 16:32

Neb yw lent ow serri yw gwell ages gour galloesek, ha neb a rewl y spyrys ages neb a gemmer sita.

Lavarow Koth 25:11

Ger kewsys a-dermyn yw haval dhe avalow a owr settys yn arghans.

Lavarow Koth 25:15

Gans perthyans y hyllir dynya rewler, ha taves medhel a yll terri eskern.

Yowann 4:37

Rag yndella gwir yw an lavar, “Unn den yw an gonador, ha den arall yw an myser.”

Romanyon 12:3

Rag y lavarav der an ras res dhymm dhe beub usi yn agas mysk na'n jeffo tybyansow ughel dres an pyth y tegoedh y dybi, mes may typpo gans brys sevur, herwydh an myns a fydh a rannas Duw dhodho.

Romanyon 12:6

Ha dhyn ni rohow herwydh an gras re beu res dhyn, hag i dihaval: neb a brofoes, re brofoesso herwydh myns an fydh;

Filippianys 2:3

heb gul travyth dre gesstrif na dre woeth, mes yn uvelder, ow synsi pub den arall dhe vos gwell agesowgh agas honan,

Breusysi 8:2

Ytho yn-medh ev dhedha, ‘Pandr'a wrug vy lemmyn kehaval dhywgh hwi? A nyns yw gesigow grappys Efraym gwell ages leun drevas grappys Abiezer?

Breusysi 8:4

Ena Gideon a dheuth dhe'n Yordan hag a dreusis, ev ha'n tri hans esa ganso, skwith ha nownek.