Breusysi 8:10 - An Bibel Kernewek 20234 (Kernewek Kemmyn)

¹⁰ Yth esa Zebagh ha Salmunna yn Karkor gans aga lu, a-dro dhe bymthek mil wour, oll remenant lu mebyon an est, rag hwegh ugens mil gledhevor re goedhsa.

Breusysi 8:10 Iomraidhean Croise

2 Myghternedh 3:26

Pan welas myghtern Moab bos krev an gas er y bynn ev a gemmeras ganso seyth kans kledhevor rag herdhya yn-rag dhe vyghtern Edom. Mes ny yllens.

2 Kroniklys 13:17

Abia ha'y lu a's fethas gans ladhva veur; pymp kans mil wour dhewisys a Ysrael a goedhas ledhys.

2 Kroniklys 28:6

Pekagh mab Remalia a ladhas hwegh ugens mil yn Yuda a-ji dhe unn jydh, oll anedha kasoryon grev, drefenn i dhe forsakya an Arloedh, Duw aga thasow.

2 Kroniklys 28:8

An Ysraelysi a gemmeras yn kethneth dew kans mil a'ga breder, benynes, mebyon ha myrghes. I a gemmeras ynwedh meur a breydh dhiworta hag a dhros an preydh dhe Samaria.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Breusysi 20:15

Y'n jydh na an Benyaminysi a guntellas hwegh mil gledhevor warn ugens a'ga threvow, keffrys ha trigoryon Gibea.

Breusysi 20:17

An Ysraelysi, heb Benyamin, a guntellas peswar kans mil gledhevor, oll anedha kasoryon.

Breusysi 20:2

Ledyoryon oll an bobel, oll loethow Ysrael, a dheuth war-barth yn kuntelles, peswar kans mil droesek ow toen kledhedhyow.

Breusysi 20:25

Benyamin eth yn-mes er aga fynn dhiworth Gibea an nessa dydh, hag a weskis dhe'n dor etek mil a vebyon Ysrael, oll anedha gwer ervys.

Breusysi 20:35

An Arloedh a fethas Benyamin a-rag Ysrael; ha mebyon Ysrael a dhiswrug pymp mil warn ugens ha kans a wer Benyamin y'n jydh na, oll anedha ervys gans kledhedhyow.

Breusysi 20:46

Ytho oll hag a goedhas y'n jydh na a Benyamin o pymp mil warn ugens kasor ow toen kledhedhyow, oll anedha gwer krev.

Breusysi 6:5

Rag i ha'ga chatel a dho yn-bann, hag i a dhri aga thyldow, kemmys ha lokustes; nyns ens i dhe nivera, naneyl i aga honan na'ga howrvergh; i a entras an tir dh'y wastya.

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

Breusysi 7:13

Pan dheuth Gideon, yth esa gour ow terivas hunros dhe vata; hag ev a leveris, ‘My a hunrosas hunros, hag otta, tesenn a vara heydh a goedhas yn kamp Midyan, hag a dheuth dhe'n tylda, hag a'n gwaskas bys may koedhas; ev a'n treylyas penn a-wartha dhe woeles ha'n tylda a goedhas.’

Breusysi 7:22

Pan hwythsons an tri hans hirgorn, an Arloedh a settyas kledha pub den erbynn y vata hag erbynn oll an kamp; ha'n lu a fias maga pell avel Beth-shitta war-tu ha Serera, maga pell avel or Abel-mehola ryb Tabbath.

Breusysi 8:11

Ytho Gideon eth yn-bann war fordh an drigoryon yn tyldow a'n est dhe Noba ha Yogbeha, hag a omsettyas erbynn an lu; rag an lu o heb gwithysi.