Breusysi 7:2 - An Bibel Kernewek 20234 (Kernewek Kemmyn)

² An Arloedh a leveris dhe Gideon, ‘An re usi genes yw moy es dell eus edhomm dhymm dhe ri an Midyanysi yn aga leuv. Ny wra Ysrael marnas kemmeres an bri dhiworthiv, ow leverel, “Ow leuv evy re'm delivras.”

Breusysi 7:2 Iomraidhean Croise

Jenesis 46:2

Ha Duw a gewsis orth Ysrael dre welesigethow y'n nos ha leverel, ‘Yakob, Yakob.’ Hag yn-medh ev, ‘Ottavy.’

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

Ysay 10:13

Rag yn-medh ev, ‘Dre nerth ow leuv re'n gwrug vy, ha der ow furneth, rag bos genev konvedhes. My re removas oryon poblow, ha ravna aga thresorvaow, ha dri rewloryon dhe'n dor avel kasor nerthek.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 2:17

Ena goeth den a vydh uvelhes, ha balghder tus a vydh iselhes; an Arloedh unnsel a vydh ughelhes y'n jydh na.

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Ezekiel 28:17

Dha golonn o goethus y'th tekter, ty a dhefolas dha furneth drefenn dha splannder. Ytho my a'th tewlis dhe'n dor, my a'th worras a-rag myghternedh, dhe vires warnas gans skorn.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Habakkuk 1:16

Rakhenna yth offrynn dh'y roes ha leski offrynnow dh'y roes-draylya; rag bras yw y rann dredha, ha rych yw y boes.

Zekaria 12:7

An Arloedh a wra sawya tyldow Yuda wostalleth, rag na vo enor chi Davydh ha trigoryon Yerusalem brassa ages Yuda.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Niverow 31:4

Hwi a wra dannvon mil a bub loeth a Ysrael dhe'n vresel.’

Romanyon 11:18

na vost war an skorrennow, mes mar postydh, an wreydhenn a'th teg ha ny dhegedh an wreydhenn.

Romanyon 3:27

Ytho ple'ma agan bostya? Eskes yw. Drefenn py lagha? Lagha an oberow? Na, drefenn lagha fydh.

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

Efesianys 2:9

Nyns yw a wriansow, ma na vostyo denvyth.

Dewteronomi 32:27

na ve my dhe berthi own a sorr an eskar, ma na wrella y envi kammgonvedhes, ma na lavarrens, ‘Agan leuv yw ughel; ny veu an Arloedh neb a wrug oll hemma.’

Dewteronomi 8:17

Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’