Breusysi 7:12 - An Bibel Kernewek 20234 (Kernewek Kemmyn)

¹² An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

Breusysi 7:12 Iomraidhean Croise

1 Myghternedh 20:27

Wosa bos an Ysraelysi kuntellys ha sosten res dhedha, i eth er aga fynn; pobel Ysrael a gampyas a-dal dhedha avel dew flokk vyghan a ever, hag Aram a lenwis an pow.

1 Myghternedh 4:30

may feu furneth Solomon moy es furneth oll pobel an duryen hag oll furneth Ejyp.

Salmow 3:1

A Arloedh, fatell yw ow eskerens ynkressys! Lies yns i neb a sev er ow fynn;

Salmow 33:16

Nyns eus myghtern a allo bos selwys gans lu meur; nyns yw breselyas krev delivrys gans galloes meur.

Yeremia 46:23

I a derr hy hoeswik, yn-medh an Arloedh, kynth yw re dew dhe hwithra, drefenn aga bos moy niverus ages an lokustes, heb nivera yns i.

Yoshua 11:4

I eth yn-mes, i hag oll aga luyow gansa, ost bras, avel an tewes war vin an mor orth niver, gans lies margh ha meur a jarettow.

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.

Breusysi 6:33

Ena oll a Midyanysi ha'n Amalekysi ha mebyon an est a dheuth war-barth, hag ow treusi an avon i a gampyas yn nans Yezreel.

Breusysi 6:5

Rag i ha'ga chatel a dho yn-bann, hag i a dhri aga thyldow, kemmys ha lokustes; nyns ens i dhe nivera, naneyl i aga honan na'ga howrvergh; i a entras an tir dh'y wastya.

Breusysi 7:13

Pan dheuth Gideon, yth esa gour ow terivas hunros dhe vata; hag ev a leveris, ‘My a hunrosas hunros, hag otta, tesenn a vara heydh a goedhas yn kamp Midyan, hag a dheuth dhe'n tylda, hag a'n gwaskas bys may koedhas; ev a'n treylyas penn a-wartha dhe woeles ha'n tylda a goedhas.’

Breusysi 8:10

Yth esa Zebagh ha Salmunna yn Karkor gans aga lu, a-dro dhe bymthek mil wour, oll remenant lu mebyon an est, rag hwegh ugens mil gledhevor re goedhsa.

1 Samuel 13:5

An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.

1 Samuel 30:17

Davydh a's gweskis dhiworth an bora bys gorthugher an nessa dydh. Ny dhienkas nagonan anedha, saw peswar kans gour yowynk, neb a varghogas war gowrvergh ha fia.