Breusysi 7:11 - An Bibel Kernewek 20234 (Kernewek Kemmyn)

¹¹ ha ty a glew an pyth a leverons, hag a-wosa dha dhiwleuv a vydh krevhes rag omsettya erbynn an kamp.’ Ytho ev eth yn-nans gans y was Pura dhe amal aray an wer ervys esa y'n kamp.

Breusysi 7:11 Iomraidhean Croise

Jenesis 24:14

An vowes may lavarav dhedhi, “Gorr dha bycher yn-nans, my a'th pys, may hylliv eva”, ha hi a worthyp, “Yv, ha my a re dowr dhe'th kowrvergh ynwedh” – gas hi dhe vos neb re wrussys hy apoyntya rag dha was Ysak, hag yndella my a woer ty dhe dhiskwedhes tregeredh dhe'm arloedh.’

Ezra 6:22

ha solempnya goel an bara heb goell dres seyth dydh gans lowena, rag an Arloedh a's lowenhas, ha treylya kolonn myghtern Asshur dhedha, rag aga gweres yn ober chi Duw, Duw Ysrael.

Nehemia 6:9

Rag i oll a vynnas agan ownekhe, ow prederi, ‘Aga diwla a vydh re wann rag an ober, ha ny vydh kollenwys.’ Lemmyn ytho, A Dhuw, krevha ow diwla.

Eksodus 13:18

Mes Duw a hembronkas an bobel a-dro dre fordh an gwylvos troha'n Mor Rudh. Ha mebyon Ysrael eth yn-mes a bow Ejyp pareusys arayys rag kas.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Filippianys 4:13

My a yll gul pup-tra dredho ev neb a re dhymm nerth.

Breusysi 7:10

Mes mara'th eus own a omsettya, ke yn-nans dhe'n kamp gans dha was Pura,

1 Samuel 14:12

Ha gwer an savla-goelyadoryon a elwis dhe Yonathan ha deger y arvow, ow leverel, ‘Dewgh yn-bann dhyn, ha ni a dhiskwedh neppyth dhywgh.’ Yonathan a leveris dhe dheger y arvow, ‘Deus yn-bann war ow lergh; rag an Arloedh re's delivras yn leuv Ysrael.’

1 Samuel 23:16

Yonathan mab Sowl a sevis, ha mos dhe Davydh yn Horesh, hag ev a grevhas y leuv yn Duw.

1 Samuel 26:6

Ena Davydh a leveris dhe Ahimelek an Hittyas, ha dhe Abishay mab Seruya, broder Yoab, ‘Piw a vynn mones yn-nans genev a-ji dhe'n kamp dhe Sowl?’ Hag Abishay a worthybis, ‘My a vynn mones genes.’