Breusysi 6:2 - An Bibel Kernewek 20234 (Kernewek Kemmyn)

² Leuv Midyan a arwaskas Ysrael; ha drefenn Midyan mebyon Ysrael a wrug ragdha aga honan skovvaow yn savnow y'n menydhyow, ha fowys ha dinasow.

Breusysi 6:2 Iomraidhean Croise

Job 30:6

Res yw dhedha triga yn nansow an keynresyow, yn tell a'n dor ha'n karregi.

Yeremia 41:9

Lemmyn an dowrargh le may tewlis Yshmael korfow an wer re ladhas drefenn Gedalia o an dowrargh gwrys gans Asa an myghtern rag own Baasha myghtern Ysrael; Yshmael mab Nethania a'n lenwis gans an re ledhys.

Yeremia 48:28

Gesewgh an sitys, ha trigewgh y'n garrek, hwi annedhysi Moab! Bedhewgh avel an golomm a neyth yn amal ganow kownans.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Ebrowyon 11:38

– anedha nyns o gwiw an bys – ow kwandra yn gwylvosow ha menydhyow, hag yn mogowyow ha savnow an dor.

Diskwedhyans 6:15

Ha myghternedh an norvys ha'n dus vras, ha hembrenkysi luyow, ha'n dus rych, ha'n dus krev, ha pub den keth ha den rydh a omgudhas yn mogowyow hag yn karregi an menydhyow.

Breusysi 10:8

hag i a vrewis hag arwaska mebyon Ysrael y'n vlydhen na. Etek blydhen i a waska oll mebyon Ysrael esa dres an Yordan yn pow an Amorysi, usi yn Gilead.

Breusysi 10:9

An Ammonysi ynwedh a dreusis an Yordan rag omladh erbynn Yuda, erbynn Benyamin, hag erbynn chi Efraym; yndella Ysrael a berthi ahwer meur.

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.

1 Samuel 14:11

Ha'n dhew anedha a dhiskwedhas aga honan dhe savla-goelyadoryon an Filistysi; ha'n Filistysi a leveris, ‘Ottomma Ebrowyon ow tos yn-mes a'n tell mayth omgudhsons ynna.’