Breusysi 4:9 - An Bibel Kernewek 20234 (Kernewek Kemmyn)

⁹ Ha hi a leveris, ‘Yth av genes yn surredi; byttegyns ny led an fordh mayth edh warnedhi dhe'th glori, rag an Arloedh a werth Sisera yn leuv benyn.’ Ena Debora a sevis yn-bann hag eth gans Barak dhe Kedesh.

Breusysi 4:9 Iomraidhean Croise

2 Kroniklys 26:18

I a sevis orth myghtern Uzzia hag a leveris dhodho, ‘Ny dhelledh dhis leski ynkys dhe'n Arloedh, mes y telledh dhe'n oferysi, mebyon Aron, yw sakrys dhe leski ynkys. Ke yn-mes a'n sentri; rag ty re wrug drog, ha ny dheg henna enor dhis dhiworth an Arloedh Duw.’

Breusysi 2:14

Ytho sorr an Arloedh a loskas erbynn Ysrael, hag ev a's daskorras dhe ladron, neb a's pyllas; hag ev a's gwerthas yn diwla aga eskerens a-dro dhedha, ma na yllens sevel pella erbynn aga eskerens.

Breusysi 4:8

Barak a leveris dhedhi, ‘Mars edh genev, yth av; mes mar nyns edh genev, nyns av vy.’

Breusysi 9:53

Mes neb unn venyn a dewlis men-melin yn-nans war benn Abimelek, ha brewi y grogen.

Breusysi 9:54

Distowgh ev a elwis dhe'n yonker deger y arvow hag a leveris dhodho, ‘Tenn dha gledha ha'm ladha, ma na leverrer yn ow hever, “Benyn a'n ladhas.” ’ Ytho an yonker a'n gwanas, hag y ferwis.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.