Breusysi 4:6 - An Bibel Kernewek 20234 (Kernewek Kemmyn)

⁶ Hi a dhannvonas ha gelwel Barak mab Abinoam a Kedesh Naftali, hag a leveris dhodho, ‘An Arloedh, Duw Ysrael a'th worhemmynn, “Ke ha hembronk yn-mes deg mil wour a vebyon Naftali hag a vebyon Zebulun, ha'ga dri genes dhe venydh Tabor.

Breusysi 4:6 Iomraidhean Croise

Salmow 7:6

Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

Salmow 89:12

An kledh ha'n dyghow, ty re's formyas; Tabor ha Hermon a gri yn lowen y'th hanow.

Salmow 89:13

Yma dhis bregh alloesek; nerthek yw dha leuv, hag ughel yw dha leuv dhyghow.

Yeremia 46:18

Dell vewav, yn-medh an Myghtern, ha'y hanow Arloedh an luyow, nebonan a dheu kepar ha Tabor y'n menydhyow, ha kepar ha Karmel ryb an mor.

Hosea 5:1

Klewewgh hemma, a oferysi! Goslowewgh, chi Ysrael! Attendyewgh, A ji an myghtern! An vreus yw er agas pynn, drefenn agas bos antell orth Mispa, ha roes lesys war Tabor.

Oberow 13:47

Rag yndella an Arloedh re'gan gorhemmynnis: “My re'th ordenas avel golow dhe'n Jentilys, rag dri selwyans bys yn penn pella an norvys.” ’

Ebrowyon 11:32

Ha pandr'a lavarav moy? Rag termyn a fallsa dhymm dhe dherivas a-dro dhe Gideon, Barak, Samson, Yeftha, a-dro dhe Davydh ha Samuel ha'n brofoesi,

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Yoshua 19:22

An or a dochyas Tabor, Shahasuma, ha Beth-shemesh, ha diwedh aga or o an Yordan: hwetek sita gans aga godrevow.

Yoshua 19:32

An hweghves koelbrenn a dheuth yn-mes rag mebyon Naftali war-lergh aga theyluyow.

Yoshua 19:35

An sitys kerys o Siddim, Ser, Hammath, Rakkath, Kinnereth,

Yoshua 19:37

Kedesh, Edrei, En-hasor,

Yoshua 21:32

Dhiworth loeth Naftali: Kedesh yn Galile gans hy feurva, sita meneghi rag an ladher, Hammoth-dor gans hy feurva, ha Kartan gans hy feurva; teyr sita.

Breusysi 4:10

Barak a elwis Zebulun ha Naftali dhe Kedesh, ha deg mil wour eth yn-bann war y lergh; ha Debora eth yn-nans ganso.

Breusysi 5:1

Ena Debora ha Barak mab Abinoam a ganas y'n jydh na, ow leverel:

Breusysi 6:35

Ev a dhannvonas kannasow der oll Manasse, hag i a veu gelwys dh'y holya. Ev a dhannvonas kannasow dhe Asher, Zebulun, ha Naftali hag i ynwedh eth yn-bann dhe vetya orta.

Breusysi 8:18

Ena ev a leveris dhe Zebagh ha Salmunna, ‘Py par gwer a ladhsowgh yn Tabor?’ I a worthybis, ‘Par dell os, yndella yth ens. Haval ens dhe vebyon myghtern.’

1 Samuel 10:3

Ha ty a dremen pella alena, ha ty a dheu dhe dherwenn Tabor, hag ena, tri gour a wra dha dhyerbynna, ow mos yn-bann dhe Dhuw, yn Bethel, onan anedha ow toen tri mynn, hag onan ow toen teyr thorth bara, hag onan ow toen botellas a win.

1 Samuel 12:11

Ha'n Arloedh a dhannvonas Yerubbaal ha Bedan, ha Yefthagh, ha Samuel, ha'gas delivra dhiworth leuv agas eskerens a bub tu; ha hwi a drigas yn sawder.