Breusysi 3:8 - An Bibel Kernewek 20234 (Kernewek Kemmyn)

⁸ Ytho sorr an Arloedh a loskas erbynn Ysrael, hag ev a's gwerthas yn leuv Kushan-rishathaym myghtern Aram Naharaym; ha mebyon Ysrael a servya Kushan-rishathaym eth blydhen.

Breusysi 3:8 Iomraidhean Croise

Jenesis 24:10

Ha'n servont a gemmeras deg kowrvargh mes a gowrvergh y arloedh, ha mos yn-kerdh, gans oll an taklow da a'y arloedh yn y leuv. Ev a sevis ha mos dhe Aram Naharaym bys yn sita Nahor.

Salmow 106:41

Hag ev a's ros yn leuv an kenedhlow, ha'n re a's kasas a wrug maystri warnedha.

Salmow 129:1

‘Lieskweyth y grevsons dhymm dhiworth ow yowynkneth’, gwres Ysrael lemmyn leverel.

Salmow 44:12

Ty a werthas dha bobel a dravyth, ha dhiworth aga fris ny gemmersys prow.

Salmow 6:1

A Arloedh, na rebuk vy y'th sorr, ha na geredh vy y'th konnar.

Salmow 85:3

Ty re gemmeras dhe-ves oll dha sorr; ty re dreylyas dhiworth dha sorr fers.

Eksodus 22:24

hag ow sorr a wra leski, ha my a'gas ladh dre gledha, ha'gas gwragedh a vydh gwedhwesow ha'gas mebyon a vydh omdhivasow.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Habakkuk 3:7

My a welas tyldow Kushan yn ahwer, kroglennow tyldow bro Midyan a gren.

Romanyon 7:14

Rag ni a woer an lagha dhe vos a'n spyrys; mes a'n kig ov, gwerthys yn keth dhe begh.

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Breusysi 2:14

Ytho sorr an Arloedh a loskas erbynn Ysrael, hag ev a's daskorras dhe ladron, neb a's pyllas; hag ev a's gwerthas yn diwla aga eskerens a-dro dhedha, ma na yllens sevel pella erbynn aga eskerens.

Breusysi 2:20

Ytho sorr an Arloedh a loskas erbynn Ysrael; hag ev a leveris, ‘Rag an bobel ma dhe derri ow hevambos a worhemmynnis vy dh'aga thasow, ha ny woslowsons orth ow lev,

Breusysi 3:10

Spyrys an Arloedh a dheuth warnodho, hag ev a vreusi Ysrael; ev eth dhe vresel, ha'n Arloedh a ros Kushan-rishathaym myghtern Aram yn y leuv; ha'y leuv a's tevo maystri war Kushan-rishathaym.

Breusysi 3:7

Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.

Breusysi 3:9

Mes pan grias mebyon Ysrael dhe'n Arloedh, an Arloedh a dhrehevis delivrer rag mebyon Ysrael, neb a's delivras, Othniel mab Kenaz, broder yowynka Kaleb.

Breusysi 4:9

Ha hi a leveris, ‘Yth av genes yn surredi; byttegyns ny led an fordh mayth edh warnedhi dhe'th glori, rag an Arloedh a werth Sisera yn leuv benyn.’ Ena Debora a sevis yn-bann hag eth gans Barak dhe Kedesh.

1 Samuel 12:9

Mes i a ankovas an Arloedh aga Duw, hag ev a's gwerthas yn dorn Sisera, kaslewydh lu Hasor, hag yn leuv an Filistysi, hag yn leuv myghtern Moab, hag i a vatalyas orta.