Breusysi 3:7 - An Bibel Kernewek 20234 (Kernewek Kemmyn)

⁷ Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.

Breusysi 3:7 Iomraidhean Croise

1 Myghternedh 16:33

Ahab a wrug Ashera ynwedh. Ahab a wrug moy dhe brovokya an Arloedh, Duw Ysrael, ages oll myghternedh Ysrael esa kyns.

1 Myghternedh 18:19

Lemmyn ytho dannvon ha kuntell oll Ysrael ragov dhe venydh Karmel, gans an peswar kans ha hanter-kans profoes a Baal ha'n peswar kans profoes a Ashera, a dheber orth moes Yezebel.’

2 Myghternedh 23:14

Ev a vrewis an peulveyn, ha treghi dhe'n dowr an Asherim, ha lenwel aga thylleryow a eskern denel.

2 Myghternedh 23:6

Ev a gemmeras an Ashera dhiworth chi an Arloedh a-ves dhe Yerusalem, dhe nans Kidron, ha'y leski yn nans Kidron, ha'y brewi dhe dhoust ha tewlel hy doust war ynkleudhva an werin.

2 Kroniklys 15:16

Ynwedh ev a wordhellos Maaka mamm myghtern Asa dhiworth hy soedh avel mamm-vyghternes, drefenn hi dhe wruthyl imaj kasadow a Ashera. Asa a droghas dhe'n dor hy thra gasadow ha'y vrewi ha'y leski yn nans Kidron.

2 Kroniklys 24:18

I a forsakyas chi an Arloedh, Duw aga thasow, hag a servya an Asherim ha'n peulveyn. Konnar a dheuth war Yuda ha war Yerusalem drefenn aga hammweyth.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 33:3

Rag ev a dhastrehevis an tylleryow ughel re beu tennys yn-nans gans y das Hezekia, hag ev a dhrehevis alteryow dhe'n Baalim, hag a wrug Asherim. Ev a wordhyas oll lu an nev, ha'ga servya.

2 Kroniklys 34:3

Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

2 Kroniklys 34:7

ev a dorras dhe'n dor an alteryow, hag a vrewis an Asherim ha'n imajys gravys dhe bolter hag a dhistruis oll an alteryow ynkys der oll pow Ysrael. Ena ev a dhehwelis dhe Yerusalem.

Salmow 106:35

Mes i a veu kemmyskys gans an kenedhlow ha dyski aga gwriansow.

Salmow 106:36

Hag i a servyas aga fals dhuwow, o antell dhedha.

Salmow 106:7

Agan tasow yn Ejyp ny gonvedhsons dha varthusyon, na perthi kov a'th tregeredh veur, mes i a rebellyas ryb an mor, ryb an Mor Rudh.

Eksodus 34:13

Ty a derr dhe'n dor aga alteryow, ha terri dhe demmyn aga feulveyn, ha treghi aga Asherim,

Yeremia 23:27

I a vynn gul dhe'm pobel ankevi ow hanow der aga hunrosow, a leverons an eyl dh'y gila, dell ankovas aga thasow ow hanow drefenn Baal.

Dewteronomi 16:21

Na blans ragos gwydhenn vyth avel Ashera ryb alter an Arloedh dha Dhuw a wredh ragos.

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Dewteronomi 8:11

Gwayt na ankeffi an Arloedh dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

Breusysi 3:12

Ena mebyon Ysrael a wrug arta an pyth o drog yn golok an Arloedh, ha'n Arloedh a grevhas Eglon myghtern Moab erbynn Ysrael drefenn i dhe wul an pyth o drog yn golok an Arloedh.

Breusysi 3:8

Ytho sorr an Arloedh a loskas erbynn Ysrael, hag ev a's gwerthas yn leuv Kushan-rishathaym myghtern Aram Naharaym; ha mebyon Ysrael a servya Kushan-rishathaym eth blydhen.

Breusysi 6:25

An nos na an Arloedh a leveris dhodho, ‘Kemmer tarow dha das, an nessa tarow seyth bloedh y oes, ha tenna dhe'n dor alter Baal yw dhe'th tas, ha trogh yn-nans an Ashera usi rybdho,

Breusysi 8:33

Kettell veu Gideon marow, mebyon Ysrael a dreylyas hag a farya avel horys gans an Baalim, ow kul Baal-berith aga duw

Breusysi 8:34

Ny berthi mebyon Ysrael kov a'n Arloedh aga Duw re's sawsa dhiworth leuv oll aga eskerens a bub tu,

1 Samuel 12:10

Ena i a armas dhe'n Arloedh, ha leverel, “Ni re beghas, drefenn ni dhe forsakya an Arloedh, ha servya an Baalim ha'n Ashtaroth; mes lemmyn delirv ni yn-mes a dhorn agan eskerens, ha ni a'th serv.”

1 Samuel 12:9

Mes i a ankovas an Arloedh aga Duw, hag ev a's gwerthas yn dorn Sisera, kaslewydh lu Hasor, hag yn leuv an Filistysi, hag yn leuv myghtern Moab, hag i a vatalyas orta.