Breusysi 3:12 - An Bibel Kernewek 20234 (Kernewek Kemmyn)

¹² Ena mebyon Ysrael a wrug arta an pyth o drog yn golok an Arloedh, ha'n Arloedh a grevhas Eglon myghtern Moab erbynn Ysrael drefenn i dhe wul an pyth o drog yn golok an Arloedh.

Breusysi 3:12 Iomraidhean Croise

2 Myghternedh 5:1

Naaman, kapten lu myghtern Aram, o gour meur a-rag y vester, hag enoradow drefenn an Arloedh dhe ri budhogoleth dredho dhe Aram. An gour o kasor galloesek, mes klavorek.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Ysay 37:26

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Hosea 6:4

Pandr'a wrav dhis Efraym? Pandr'a wrav dhis Yuda? Agas lelder yw avel kommol myttin, hag avel gluth a dremen a-varr.

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Breusysi 2:11

Ena mebyon Ysrael a wrug drogober yn golok an Arloedh hag a servyas an Baalim.

Breusysi 2:14

Ytho sorr an Arloedh a loskas erbynn Ysrael, hag ev a's daskorras dhe ladron, neb a's pyllas; hag ev a's gwerthas yn diwla aga eskerens a-dro dhedha, ma na yllens sevel pella erbynn aga eskerens.

Breusysi 2:19

Mes pan verwis breusyas, i a dreylya war-dhelergh ha bos moy tebel es aga thasow, owth holya duwow erell, orth aga servya ha plegya dhedha. Ny wrussons gasa aga gwriansow na'ga fordhow gorth.

Breusysi 3:11

Ytho an tir a'n jevo powes dew-ugens blydhen. Ena Othniel mab Kenaz a verwis.

1 Samuel 12:9

Mes i a ankovas an Arloedh aga Duw, hag ev a's gwerthas yn dorn Sisera, kaslewydh lu Hasor, hag yn leuv an Filistysi, hag yn leuv myghtern Moab, hag i a vatalyas orta.