Breusysi 20:1 - An Bibel Kernewek 20234 (Kernewek Kemmyn)

¹ Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.

Breusysi 20:1 Iomraidhean Croise

2 Samuel 19:14

Ev a dreylyas kolonn pub gour Yuda avel unn gour, hag i a dhannvonas ger dhe'n myghtern, ‘Dehwel, ty hag oll dha wer.’

2 Samuel 2:9

Ev a'n gwrug myghtern war Gilead, ha war an Asherysi, ha war Yezreel, ha war Efraym, ha war Benyamin, ha war oll Ysrael.

2 Samuel 24:2

Ytho an myghtern a leveris dhe Yoab kaslewydh an lu esa ganso ‘Ke der oll loethow Ysrael, dhiworth Dan bys yn Beer-sheba ha niver an bobel, may hwodhviv niver an bobel.’

2 Samuel 3:10

dhe dreusworra an vyghterneth dhiworth chi Sowl, ha fastya tron Davydh war Ysrael ha war Yuda, dhiworth Dan bys yn Beer-sheba.’

1 Myghternedh 5:5

Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.”

2 Myghternedh 25:23

Pan glewas oll kaptenyon an luyow ha'ga gwer myghtern Babylon dhe apoyntya Gedalia avel governour, i a dheuth gans aga gwer dhe Gedalia yn Mispa: Yshmael mab Nethania, Yohanan mab Kareagh, Seraya mab Tanhumeth an Netofathyas, ha Yaazania mab an Maakathyas.

1 Kroniklys 21:2

Ytho Davydh a leveris dhe Yoab ha dhe gaslewydhyon an lu, ‘Kewgh, niverewgh Ysrael, dhiworth Beer-sheba bys yn Dan, ha drewgh derivas dhymm, may hylliv godhvos aga niver.’

2 Kroniklys 30:5

I a erviras gul gwarnyans der oll Ysrael, dhiworth Beer-sheba bys yn Dan, rag may teffa an bobel ha solempnya an pask dhe'n Arloedh, Duw Ysrael, yn Yerusalem. Ny via solempnys bythkweth gans niver mar vras, herwydh rewlys an skrif.

Ezra 3:1

Pan dheuth an seythves mis, ha mebyon Ysrael y'n sitys, an bobel a omguntellas gans unn akord yn Yerusalem.

Nehemia 11:27

hag yn Hasar-shual, hag yn Beer-sheba ha'y drevow,

Nehemia 8:1

Oll an bobel a omguntellas gans unn akord y'n plen a-dherag Yet an Dowr; hag i a leveris dhe Ezra an skriba dhe dhri lyver lagha Moyses a wrussa an Arloedh erghi dhe Ysrael.

Yeremia 40:6

Ena Yeremia eth dhe Gedalia mab Ahikam, dhe Mispa, ha gortos ganso yn mysk an bobel o gesys y'n tir.

Niverow 32:1

Lemmyn mebyon Rewben ha mebyon Gad a's tevo routh veur a warthek; hag i a welas pow Yazer ha pow Gilead, hag otta, an tyller o tyller rag gwarthek.

Niverow 32:40

Ha Moyses a ros Gilead dhe Makir mab Manasse, hag ev a drigas ynni.

Yoshua 15:38

Dilean, Mispe, Yoktheel,

Yoshua 17:1

Hemm o an tiredh rynnys gans koelbrenn dhe loeth Manasse, rag y vos kynsa-genys Yosep. Dhe Makir kynsa-genys Manasse, tas Gilead, yth esa Gilead ha Bashan, drefenn y vos gour a vresel.

Yoshua 18:26

Mispe, Kefira, Mosa,

Yoshua 22:12

Pan glewas an Ysraelysi anodho, oll kuntelles mebyon Ysrael a omguntellas yn Shilo, rag gwerrya er aga fynn.

Yoshua 22:9

Ytho mebyon Rewben ha mebyon Gad ha hanter-loeth Manasse a dhehwelis ha diberth a'n Ysraelysi yn Shilo, usi yn pow Kanan, rag mos dhe bow Gilead, dhe dir aga ferghennogeth re gemmersens war-lergh ganow an Arloedh dre leuv Moyses.

Yoshua 4:13

A-dro dhe dhewgens mil ervys rag an gas a dreusis a-rag an Arloedh dhe blenys Yeriko rag bresel.

Breusysi 10:17

Ena an Ammonysi a veu gelwys dhe arvow, hag i a gampyas yn Gilead; ha mebyon Ysrael a omguntellas, hag i a gampyas yn Mispa.

Breusysi 11:11

Ytho Yefthagh eth gans henavogyon Gilead, ha'n bobel a'n gwrug penn ha kaslewydh warnedha, ha Yefthagh a gewsis oll y eryow a-rag an Arloedh yn Mispa.

Breusysi 11:34

Pan dheuth Yefthagh dh'y ji yn Mispa, y feu y vyrgh ow tos yn-mes dhe vetya ganso gans tabourigow ha gans donsya. Hi o y unn flogh. Ny'n jevo naneyl mab na myrgh marnas hi.

Breusysi 18:29

I a henwis an sita Dan war-lergh aga thas Dan, onan a vebyon Ysrael; mes hanow an sita a vedha Laish kyns.

Breusysi 20:11

Ytho oll gwer Ysrael a omguntellas erbynn an sita, gans unn akord.

Breusysi 20:18

An Ysraelysi a dhallathas mos yn-bann dhe Bethel, may hwovynnsons a Dhuw, ‘Piw ahanan a yn-bann yn kynsa rag batalyas orth an Benyaminysi?’ Ha'n Arloedh a worthybis, ‘Yuda a yn-bann yn kynsa.’

Breusysi 20:2

Ledyoryon oll an bobel, oll loethow Ysrael, a dheuth war-barth yn kuntelles, peswar kans mil droesek ow toen kledhedhyow.

Breusysi 20:26

Ena oll mebyon Ysrael, an lu dien, a dhehwelis dhe Bethel, hag a oelas, owth esedha ena a-rag an Arloedh, ow penys an jydh na bys y'n gorthugher. Ena i a offrynnas offrynnow leskys hag offrynnow kres a-rag an Arloedh.

Breusysi 20:8

Oll an bobel a sevis gans unn akord, ow leverel, ‘Nyns a denvyth ahanan dh'agan tyldow, na ny dhehwelyn denvyth ahanan dh'agan chiow.

Breusysi 21:5

Ena mebyon Ysrael a leveris, ‘Piw yn-mes a oll loethow Ysrael na dheuth yn-bann dhe'n kuntelles dhe'n Arloedh?’ Rag ti solem re bia gwrys a-dro dhe biwpynag na dheffa yn-bann dhe'n Arloedh dhe Mispa, ow leverel, ‘An den na a vydh gorrys dhe'n mernans.’

1 Samuel 10:17

Samuel a elwis an bobel war-barth dhe'n Arloedh, dhe Mispa,

1 Samuel 3:20

Hag oll Ysrael dhiworth Dan bys yn Beer-sheba a wodhya bos Samuel apoyntys profoes lel a'n Arloedh.