Breusysi 19:5 - An Bibel Kernewek 20234 (Kernewek Kemmyn)

⁵ Y'n peswora dydh i a sevis myttin a-varr, hag ev a ombareusis rag mos; mes tas an vowes a leveris dh'y dheuv, ‘Omgrevha gans temmik a voes, ha wosa henna hwi a yll mos.’

Breusysi 19:5 Iomraidhean Croise

Breusysi 19:8

Y'n pympes dydh ev a sevis myttin a-varr rag mos; ha tas an vowes a leveris, ‘Omgrevha.’ Ytho i a hokyas bys pan sedhis an jydh, ha'ga dew a dhybris hag eva.

Jenesis 18:5

Ha my a wra kyrghes tamm bara, may konfortyowgh hwi agas kolonn. Wosa henna hwi a yll tremena yn-rag, a-ban re dheuthewgh dh'agas gwas.’ Hag yn-medhons i, ‘Gwra yndella, kepar dell leversys.’

Oberow 9:19

hag ow kemmeres boes ev a veu krevhes. Yth esa gans an dhyskyblon yn Damaskus niver a dhydhyow

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

1 Myghternedh 13:7

Ena an myghtern a leveris dhe wour Duw, ‘Deus tre genev ha kav sosten, ha my a re dhis ro.’

1 Samuel 30:12

hag i a ros dhodho tamm a desenn a figys ha diw desenn a rappys. Wosa dybri, y spyrys a dheuth arta dhodho; drefenn na dhyb'sa bara vyth nag eva dowr trydydh ha teyr nos.

Breusysi 19:4

Y hwegron, tas an vowes, a'n ynnias, hag yth esa trigys ganso tri dydh, ow tybri hag eva, hag ow koska ena.