Breusysi 19:3 - An Bibel Kernewek 20234 (Kernewek Kemmyn)

³ Ena hy gour eth yn-mes war hy lergh, rag kewsel gensi yn hwar, ha rag hy dri dhe dre. Yth esa gansa y was ha dew asen. Pan dheuth ev dhe ji hy thas, hy thas a'n gwelas hag a dheuth gans joy dhe vetya orto.

Breusysi 19:3 Iomraidhean Croise

Jenesis 34:3

Ha'y enev a lenas orth Dina, myrgh Yakob, hag ev a garas an vowes ha kewsel yn kuv dhe'n vowes.

Jenesis 50:21

Ha lemmyn, na berthewgh own. My a vynn agas sostena, hwi ha'gas fleghes.’ Hag ev a's konfortyas ha kewsel orta yn kuv.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Hosea 2:14

Ytho, awotta, my a wra hy dynya, ha'y hembronk dhe'n difeyth, ha my a gows yn hegar dhedhi.

Hosea 2:16

Y'n jydh na, yn-medh an Arloedh, ty a'm gelow ‘Ow gour’, ha ny'm gelwydh byth moy ‘Ow Baal.’

Levitikus 19:17

Ny berthydh kas y'th kolonn erbynn dha vroder. Ty a rebuk dha gentrevek yn sur, ma na dhykki pegh a'y wovis.

Levitikus 20:10

Ha'n gour a wra avoutri gans gwreg gour arall, neb a wra avoutri gans gwreg y gentrevek, a vydh gorrys dhe'n mernans yn sur, ha'n avoutrer ha'n avoutres.

Niverow 22:22

Mes sorr Duw a veu enowys drefenn ev dhe vos; hag el an Arloedh a sevis y'n fordh avel y eskar. Lemmyn yth esa ev owth ehwias war an asen, hag yth esa y dhew was ganso.

Matthew 1:19

Ha Yosep hy gour, a-ban o den ewnhynsek, ha ny vynni gul bismer dhedhi, a erviras hy gorra a-denewen yn-dann gel.

Yowann 8:11

Hi a leveris, ‘Denvyth, Arloedh.’ Ha Yesu a leveris, ‘Na ny wrav vy dha guhudha. Ke, hag alemma rag na wra pegha namoy.’

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

Breusysi 15:1

Wosa pols, yn prys trevas an gwaneth, Samson eth dhe vires y wreg, ow toen ganso gevrik. Yn-medh ev, ‘My a'm beus hwans dhe entra yn chambour ow gwreg.’ Mes ny ros hy thas kummyas dhodho a entra.

Breusysi 19:2

Mes y iswreg a veu serrys orto, ha hi eth dhiworto dhe ji hy thas yn Bethlehem yn Yuda, hag yth esa hi ena neb peswar mis.

Breusysi 19:26

Dell sevi an myttin, an venyn a dheuth hag a goedhas orth daras chi an gour mayth esa hy mester, bys pan o golow.

Breusysi 19:4

Y hwegron, tas an vowes, a'n ynnias, hag yth esa trigys ganso tri dydh, ow tybri hag eva, hag ow koska ena.