Breusysi 14:3 - An Bibel Kernewek 20234 (Kernewek Kemmyn)

³ Mes y das ha'y vamm a leveris dhodho, ‘A nyns eus benyn yn mysk dha gerens, po yn mysk oll agan pobel, bys may tegoedh dhis kavoes gwreg dhiworth an Filistysi antrodreghys?’ Mes Samson a leveris dh'y das, ‘Kav hi ragov, drefenn hi a'm ples.’

Breusysi 14:3 Iomraidhean Croise

Jenesis 13:8

Hag yn-medh Abram dhe Lot, ‘My a'th pys, na vedhes strif yntra my ha ty hag yntra dha vugeledh jy ha'm bugeledh vy, rag breder on ni.

Jenesis 21:27

Hag Abraham a gemmeras deves hag oghen ha'ga ri dhe Abimelek, ha'ga dew a wrug kevambos.

Jenesis 34:14

Yn-medhons dhedha. ‘Ny yllyn gul hemma, ri agan hwoer dhe dhen nag yw trodreghys, rag meth dhyn via henna.

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

Yoshua 23:12

Rag mar treylyowgh dhe-ves ha glena orth remenant an kenedhlow ma yw gesys yn agas mysk, ha mar junyowgh gansa yn demmedhyans, ha mar kowethyowgh gansa hag i genowgh hwi,

Breusysi 14:2

Ena ev a dheuth yn-bann hag a dherivas dh'y das ha dh'y vamm, ‘My re welas Filistyades yn Timna; lemmyn kevewgh hi ragov avel gwreg.’

Breusysi 15:18

Y'n prys na ev a'n jevo syghes bras, hag ev a elwis war an Arloedh, ow leverel, ‘Ty re wrontyas an trygh meur ma dre leuv dha was. A dal dhymm merwel rag syghes ha koedha yn leuv an re antrodreghys?’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’

1 Samuel 31:4

Ena Sowl a leveris dhe dheger y arvow, ‘Tenn dha gledha ha'm gwana ganso ma na dheffo an wer antrodreghys ma ha'm gwana ha gul ges ahanav.’ Mes ny vynnas deger y arvow; drefenn ev dhe berthi own yn feur. Rakhenna Sowl a gemmeras y gledha y honan hag ev a goedhas warnodho.