Breusysi 13:6 - An Bibel Kernewek 20234 (Kernewek Kemmyn)

⁶ Ena an venyn a dheuth hag a leveris dh'y gour, ‘Gour Duw a dheuth dhymm, ha'y semlans o haval dhe semlans el Duw, pur euthyk; ny wovynnis vy orto a-ble teuth ha ny dherivas dhymm y hanow,

Breusysi 13:6 Iomraidhean Croise

Jenesis 18:2

Hag ev a dhrehevis y dhewlagas ha mires, hag awotta, yth esa tri gour ow sevel a-dal dhodho, ha pan y's gwelas ev a boenyas dh'aga metya dhiworth daras an tylda hag omblegya dhe'n dor

Jenesis 32:29

Ha Yakob a wovynnas orto, ow leverel, ‘Lavar dhymm dha hanow, my a'th pys.’ Hag yn-medh ev, ‘Prag y fynnydh govynn ow hanow orthiv?’ hag ev a'n bennigas ena.

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

1 Myghternedh 17:24

Ytho an venyn a leveris dhe Elias, ‘Lemmyn my a woer dha vos gour Duw, ha bos gwiryonedh ger an ARLOEDH y'th hanow.’

2 Myghternedh 4:16

Ev a leveris, ‘Y'n seson ma, an termyn ma y'n vlydhen a dheu, ty a wra byrla mab.’ Ha hi a leveris, ‘Na, ow arloedh, ty wour Duw, na wowlever dhe'th vaghteth.’

2 Myghternedh 4:9

Yn-medh hi dh'y gour, ‘My a woer an den usi prest ow tremena omma bos gour sans a Dhuw.

Eksodus 3:2

Hag el an Arloedh a omdhiskwedhas dhodho yn flamm a dan yn-mes a gres an bos; hag ev a viras, hag otta, yth esa an bos gans tan, mes ny veu konsumys.

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Daniel 10:11

Hag y leveris dhymm, ‘Daniel, karadow, attend an geryow a gowsav orthis, ha sav yn-bann, rag lemmyn yth ov dannvenys dhis.’ Hag ev ow leverel hemma dhymm, my a sevis yn-bann yn unn grena.

Daniel 10:5

y trehevis ow dewlagas, ha mires, hag otta unn gour gwiskys yn lien, y dhiwglun grogysys gans owr pur a Ufaz.

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Luk 9:29

Hag ev ow pysi, semlans y fas a janjyas ha'y dhillas a veu kann, ow terlentri.

Oberow 6:15

Hag ow hwithra orto, oll an re esa owth esedha y'n konsel a welas bos y fas kepar ha fas el.

Dewteronomi 33:1

Homm yw an vennath may hwrug Moyses, den Duw, benniga mebyon Ysrael gensi kyns y vernans.

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

Yoshua 14:6

Ena mebyon Yuda a dheuth dhe Yoshua yn Gilgal; ha Kaleb mab Yefunne an Kenizzyas a leveris dhodho, ‘Ty a woer an pyth a leveris an Arloedh dhe Moyses gour Duw yn Kadesh-barnea y'm kever hag y'th kever.

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Breusysi 13:10

Ytho hi a boenyas skav hag a leveris dh'y gour, ‘An gour a dheuth dhymm nammnygen re omdhiskwedhas dhymm.’

Breusysi 13:22

Ha Manoagh a leveris dh'y wreg, ‘Ni a verow yn surredi, rag ni re welas Duw.’

Breusysi 13:3

Hag el an Arloedh a omdhiskwedhas dhe'n venyn hag a leveris dhedhi, ‘Kynth os gownagh, ha ny dhuges fleghes, ty a wra omdhoen ha dineythi mab.

Breusysi 13:7

mes ev a leveris dhymm, “Ty a omdhek ha dineythi mab. Ytho lemmyn na yv gwin vytholl na diwes krev, ha na dheber travyth avlan, rag an mab a vydh Naziryas dhe Dhuw a'y enesigeth bys dydh y vernans.” ’

Breusysi 13:8

Ena Manoagh a bysis war an Arloedh, ha leverel, ‘A Arloedh, my a bys, gas may teffo dhyn arta an gour Duw a dhannvensys, ha dyski dhyn an pyth dhe wul a-dro dhe'n mab hag a vydh genys.’

Breusysi 6:11

Lemmyn el an Arloedh a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi,

1 Samuel 2:27

Lemmyn gour Duw a dheuth dhe Eli ha leverel dhodho, ‘Yndellma y lever an Arloedh, “A ny dhiskwedhis vy ow honan yn kler dhe ji dha das pan esens yn Ejyp yn chi Faro?

1 Samuel 9:6

Hag ev a leveris dhodho, ‘Otta lemmyn, yma y'n sita ma gour Duw; ev yw gour enorys; ha pup-tra a lever a dheu ha bos gwir. Deun bys di lemmyn; martesen ev a yll leverel dhyn a-dro dhe'n vyaj mayth eson ni ow vyajya warnodho.’