Amos 9:8 - An Bibel Kernewek 20234 (Kernewek Kemmyn)

⁸ Otta, yma dewlagas an Arloedh Duw war wlaskor an peghes, ha my a's distru dhiwar enep an nor. Mes ny gowldhistruav chi Yakob, yn-medh an Arloedh.

Amos 9:8 Iomraidhean Croise

Jenesis 6:7

Hag yn-medh an Arloedh, ‘My a vynn diswul dhiworth enep an dor an den a wrug vy y formya: den ha best ha pryv hag ydhyn an ayr, rag edrek a'm beus y hwrug vy aga gul.’

Jenesis 7:4

Rag wosa seyth dydh my a wra glaw dhe goedha war an nor dew-ugens dydh ha dew-ugens nos ha pup-tra yn few re wrug vy gwruthyl, y fynnav y dhefendya dhe-ves dhiworth enep an nor.’

1 Myghternedh 13:34

An dra ma a dheuth ha bos pegh dhe ji Yeroboam, dh'y dhilea ha'y dhistrui a-dhiworth enep an nor.

Lavarow Koth 15:3

Yma dewlagas an Arloedh yn pub le, ow koelyas war an debeles ha'n re dha.

Lavarow Koth 5:21

Rag yma fordhow gour a-rag dewlagas an Arloedh, hag ev a hwither oll y hynsyow.

Yeremia 30:11

Rag yth esov genes, yn-medh an Arloedh, dhe'th selwel; my a wra leun dhiwedh dhe'n kenedhlow oll le ma'th skattris, mes ny wrav leun dhiwedh ahanas. My a'th keredh yn musur ewn, ha ny'th asav yn tien ankessydhys.

Yeremia 44:27

Otta, my a with warnedha rag drog a-der dader; pub gour a Yuda usi yn pow Ejyp a vydh distruys gans an kledha ha gans an divoetter, bys pan vo diwedh anedha.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Hosea 1:4

An Arloedh a leveris dhodho, ‘Hanw e Yezreel, rag hwath pols byghan kessydhya a wrav chi Yehu drefenn ladhva Yezreel, ha gorra diwedh dhe vyghterneth chi Ysrael.

Hosea 1:6

Hi a omdhuk arta, ha dineythi myrgh. An Arloedh a leveris dhodho, ‘Hanw hi Lo-ruhama, rag ny gemmerav vy truedh a ji Ysrael byth moy, na ny wrav vy aga gava mann.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Amos 3:12

Yndellma y lever an Arloedh: Dell dhelirv an bugel mes a anow an lew diw arr po tamm skovarn, yn kettella delivrys vydh mebyon Ysrael eus trigys yn Samaria, gans tamm a weli ha gans gweli-dydh a dhamask.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’

Amos 9:10

Oll peghadoryon ow fobel a verow gans an kledha, neb a lever, ‘Drog ny dheu nes dhyn, na ny dhrehedh dhyn.’

Amos 9:4

Ha kynth ons yn kethneth dherag aga eskerens, ena yth arghav dhe'n kledha, hag ev a's ladh; ha my a worr ow dewlagas warnedha rag drog, a-der rag da.

Dewteronomi 4:31

(rag an Arloedh dha Dhuw yw Duw truedhek), ny wra ev kildenna dhiworthis na dha dhistrui, ha ny ankev kevambos dha dasow a dos dhedha.

Dewteronomi 6:15

(rag Duw avius yw an Arloedh dha Dhuw yn agas mysk), ma na dhewo sorr an Arloedh dha Dhuw er dha bynn ha'th tistrui a-dhiwar enep an tir.