Amos 9:13 - An Bibel Kernewek 20234 (Kernewek Kemmyn)

¹³ Otta dydhyow ow tos, yn-medh an Arloedh, may teu an aradror nes dhe'n myser, ha trettyer an grappys dhe haser an has; ha'n menydhyow a dhinwa sugen grappys, ha teudhi a wra an brennow oll.

Amos 9:13 Iomraidhean Croise

Jenesis 49:11

Ow kelmi y asenik dhe'n gwinbrenn hag ebel y gasek-asen dhe'n gwinbrenn flour, ev a wolgh y dhillas y'n gwin, ha'y bows yn goes grappys.

Salmow 97:5

An menydhyow a deudhis avel koer a-dherag an Arloedh, a-dherag Arloedh oll an nor.

Ysay 16:10

Lowena ha heudhder yw kemmerys dhiworth an tir feyth, hag y'n gwinlannow denvyth ny gan, na garma yn lowen; denvyth ny drett gwin y'n gwinwaskow. My re wrug an arm dhe hedhi.

Ysay 55:13

Yn le an spern y hwra tevi merywenn, yn le an linas y hwra tevi akasia; ha henna a vydh kov dhe'n Arloedh, avel tokyn heb fin, na vydh treghys dhe-ves.

Ezekiel 28:26

I a drig ynno yn sawder, ha drehevel chiow, ha plansa gwinlannow; i a drig yn sawder pan wrav breusow war oll aga hentrevogyon a's dispres. Ena i a woer my dhe vos an Arloedh aga Duw.

Ezekiel 36:35

Yn-medhons, ‘An tir ma, hag a veu ynyal, re dheuth ha bos avel lowarth Eden, ha'n sitys, hag a veu magoryow hag ynyal ha terrys dhe'n dor, yw kerys hag annedhys.’

Yoel 2:24

An leuryow-drushya a vydh leun a ys, ha'n gwinwaskow a fenn a win hag oyl.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Yoel 3:20

Mes Yuda a vydh annedhys bynitha, ha Yerusalem dhe henedhow oll.

Levitikus 26:5

Ha'gas termyn fusta a bes bys yn termyn trevas an grappys, ha trevas an grappys a bes bys yn termyn hasa; ha hwi a dheber agas bara dhe walgh, ha triga yn agas tir yn saw.

Amos 9:5

An Arloedh, Duw an luyow – ev a doch an tir ha teudhi a wra, ha myns eus trigys ynno a gyn, hag oll an tir a sev kepar ha'n Nil, ha koedha arta, kepar ha'n Nil yn Ejyp;

Yowann 4:35

A ny leverowgh, “Yma hwath peswar mis, hag ena y teu an drevas”? Otta, my a lever dhywgh, drehevewgh agas dewlagas yn-bann, ha mirewgh orth an gwelyow, i dhe vos gwynn lemmyn rag an drevas.

Breusysi 5:5

An menydhyow a grysyas a-rag an Arloedh, an Sinay ma, a-rag an Arloedh, Duw Ysrael.