Amos 9:10 - An Bibel Kernewek 20234 (Kernewek Kemmyn)

¹⁰ Oll peghadoryon ow fobel a verow gans an kledha, neb a lever, ‘Drog ny dheu nes dhyn, na ny dhrehedh dhyn.’

Amos 9:10 Iomraidhean Croise

Salmow 10:11

Ev a leveris yn y golonn, ‘Duw re ankovas, ev a gudh y fas, ha ny wel nevra.’

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Ysay 5:19

neb a lever ‘Fistenes, bedhes y ober uskis, ma'n gwellyn. Neses, ha des kusul Sans Ysrael, ma's aswonnyn.’

Ysay 56:12

‘Dewgh’, yn-medhons, ‘gesewgh vy dhe gavoes gwin! Evyn agan gwalgh a gorev. An vorow a vydh avel hemma, po brassa hwath.’

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 23:17

I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 29:32

ytho yndellma y lever an Arloedh: My a gessydh Shemaia an Nehelamyas ha'y dhiyskynnysi; ny'n jevydh denvyth trigys yn mysk an bobel ma; na ny welvydh an da a wrav dhe'm pobel, yn-medh an Arloedh, drefenn ev dhe gewsel rebellyans erbynn an Arloedh.

Ezekiel 20:38

My a garth yn-mes ahanowgh an re usi ow rebellya hag offendya er ow fynn. My a's dre yn-mes dhiworth an pow mayth esons ow kodriga ynno; ny entrons a-berth yn pow Ysrael. Ena hwi a woer my dhe vos an Arloedh.

Amos 6:1

Go-i an re usi attes yn Sion, ha'n re a omsyns saw war venydh Samaria, yw henwys kynsa an gwlasow, ha dhedha y teu chi Ysrael!

Amos 6:3

A hwi a vynn delatya an drog dhydh, mes hwi a dhre ogas an esedhva a arowder!

Amos 9:8

Otta, yma dewlagas an Arloedh Duw war wlaskor an peghes, ha my a's distru dhiwar enep an nor. Mes ny gowldhistruav chi Yakob, yn-medh an Arloedh.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Malaki 3:15

Mes lemmyn ni a elow an re orgelus gwynnvys. Devri, drogoberoryon re sewenis, hag ynwedh an re a dhefias Duw a dhienkas.’

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.