Amos 8:1 - An Bibel Kernewek 20234 (Kernewek Kemmyn)

¹ An Arloedh Duw a dhiskwedhas hemma dhymm, hag otta, kanstellas a frut an hav.

Amos 8:1 Iomraidhean Croise

Yeremia 24:1

An Arloedh a dhiskwedhas dhymm, hag otta, dew ganstell a figys a veu gorrys a-rag tempel an Arloedh wosa Nebukadnessar myghtern Babylon dhe dhoen yn divroedh Yekonia mab Yehoyakim myghtern Yuda, ha pennsevigyon Yuda, gans an seri prenn ha'n wovyon, a-dhiworth Yerusalem, ha'ga dri dhe Babylon.

Amos 7:1

An Arloedh Duw a dhiskwedhas hemma dhymm, hag otta, yth esa ev ow formya hes a lokustes pan dhallethi an aswels tevi – an aswels wosa treghi goera an myghtern.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’

Amos 7:4

An Arloedh Duw a dhiskwedhas hemma dhymm: hag otta, yth esa an Arloedh Duw ow kelwel rag prov dre dan, ha'n tan a dhevoryas an islonk meur, hag a dhevoryas rann a'n tir.

Amos 7:7

Ev a dhiskwedhas hemma dhymm, hag otta, yth esa an Arloedh ow sevel ryb fos gwrys dhe blemmik, plemmik yn y dhorn.

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.