Amos 7:4 - An Bibel Kernewek 20234 (Kernewek Kemmyn)

⁴ An Arloedh Duw a dhiskwedhas hemma dhymm: hag otta, yth esa an Arloedh Duw ow kelwel rag prov dre dan, ha'n tan a dhevoryas an islonk meur, hag a dhevoryas rann a'n tir.

Amos 7:4 Iomraidhean Croise

Ysay 27:4

Nyns ov vy serrys. A pe spedhas ha spern, y keskerdhsen er aga fynn yn batel ha'ga leski oll yn tien.

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Ezekiel 21:3

ha lavar dhe diredh Ysrael, Yndellma y lever an Arloedh: Awottavy er dha bynn; my a denn ow kledha dhiworth y woen ha treghi dhiworthis an den gwiryon ha'n tebelwas.

Yoel 1:19

Dhiso ji. A Arloedh, y kriav: rag tan re dhevoryas peurvaow an gwylvos; ha flamm re gowlloskas oll gwydh an gwel.

Yoel 2:30

My a dhiskwa marthusyon y'n nevow hag y'n norvys, goes ha tan ha kolovenyow a vog.

Levitikus 10:2

Ha tan eth yn-mes dhiworth an Arloedh ha'ga howlleski, hag i a verwis dherag an Arloedh.

Amos 1:4

Ytho my a dhannvon tan war ji Hazael, dhe dhevorya palesyow Ben-hadad;

Amos 1:7

Ytho my a dhannvon tan war fos Gaza, dhe dhevorya hy falesyow.

Amos 2:5

Ytho my a dhannvon tan war Yuda, dhe dhevorya palesyow Yerusalem.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Amos 7:1

An Arloedh Duw a dhiskwedhas hemma dhymm, hag otta, yth esa ev ow formya hes a lokustes pan dhallethi an aswels tevi – an aswels wosa treghi goera an myghtern.

Amos 7:7

Ev a dhiskwedhas hemma dhymm, hag otta, yth esa an Arloedh ow sevel ryb fos gwrys dhe blemmik, plemmik yn y dhorn.

Mika 1:4

Ha'n menydhyow a wra teudhi yn-danno ha'n nansow a vydh folsys, avel koer a-rag an tan, avel dowrow diverys war leder serth.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Ebrowyon 1:7

Hag a-dro dhe'n eledh y lever, ‘Neb a wra y eledh spyrysyon, ha'y venysters flammow tan.’

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’