Amos 7:10 - An Bibel Kernewek 20234 (Kernewek Kemmyn)

¹⁰ Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Amos 7:10 Iomraidhean Croise

Jenesis 37:8

Hag yn-medh y vreder dhodho, ‘A vydhydh ow reynya warnan yn hwir? Po a vydhydh orth agan rewlya?’ Ytho i a'n kasas hwath dhe voy drefenn y hunrosow ha'y eryow.

1 Myghternedh 13:33

Wosa hemma ny dreylyas Yeroboam a'y dhrog fordh, mes arta ev a wrug oferysi rag an tylleryow ughel a-dhiworth oll renkasow an bobel. Piwpynag a vynna bos oferyas ev a sakras dhe'n tylleryow ughel.

1 Myghternedh 18:17

Pan welas Elias, Ahab a leveris dhodho, ‘Yw ty, neb a drobel Ysrael?’

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 36:16

Pan glewsons oll an geryow, i a dreylyas an eyl dh'y gila yn own, ha leverel dhe Baruk, ‘Yn sur ni a dheriv an geryow ma dhe'n myghtern.’

Yeremia 38:4

Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Amos 1:1

Geryow Amos, neb esa yn mysk bugeledh Tekoa, a welas yn gwelesigeth a-dro dhe Ysrael yn dydhyow Uzzia myghtern Yuda hag yn dydhyow Yeroboam mab Yoash, myghtern Ysrael, diw vlydhen kyns an dorgrys.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

Amos 5:10

Kasa a wrons an den a geredh y'n yet, hag aborrya an den a gews an gwirder kowal.

Amos 5:5

mes na hwilewgh Bethel, ha na gewgh dhe Gilgal na treusi dhe Beer-sheba; rag mos a wra Gilgal yn divroedh ha Bethel ny vydh 'vas dhe dravyth.

Amos 7:11

Rag Amos re leveris hemma: “Yeroboam a verow gans an kledha, hag Ysrael a vydh divres yredi yn-mes a'y dir.” ’

Matthew 21:23

Ha pan o devedhys y'n tempel, an bennoferysi ha henavogyon an bobel a dheuth dhodho, hag ev ow tyski, hag yn-medhons, ‘Py awtorita dredho y hwre'ta an taklow ma? Ha piw a ros dhis an awtorita ma?’

Luk 23:2

Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’

Oberow 24:5

Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

Oberow 5:28

ow leverel, ‘Ni a erghis dhywgh yn stroeth ma na dhyskewgh y'n hanow ma, mes otta, hwi re lenwis Yerusalem a'gas dyskas, hag ervirys owgh dhe dhri warnan ni goes an gour ma.’

Oberow 7:54

Lemmyn pan glewsons an taklow ma, konneryek vons yn aga holonnow, hag i a dheskornas orto.