Amos 6:8 - An Bibel Kernewek 20234 (Kernewek Kemmyn)

⁸ An Arloedh Duw re dos ren y enev y honan (yn-medh an Arloedh, Duw an luyow): Kas genev yw goeth Yakob, ha kas genev yw y balesyow; ha my a dhaskorr an sita ha pup-tra eus ynni.

Amos 6:8 Iomraidhean Croise

Jenesis 22:16

Hag ev a leveris, ‘My re dos ren ow honan’ yn-medh an Arloedh, ‘rag ty re wrug an dra ma ha ny skonsys ri dha vab, dha unn vab,

Salmow 106:40

Rakhenna sorr an Arloedh a dhewis erbynn y bobel, hag ev a aborryas y ertach y honan.

Salmow 47:4

Ev a dhewis agan ertach ragon, goeth Yakob y garadow. Sela.

Salmow 50:12

Mar porthen vy nown, ny lavarsen dhis, rag dhymmo vy yma oll an nor ha pup-tra eus ynno.

Salmow 78:59

Pan glewas Duw hemma, serrys veu, hag ev a dhispresyas Ysrael yn feur.

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Ysay 28:1

Go-hi gurun woethus pennow-medhow Efraym, ha bleujenn gwedhrys y dekter splann, usi war benn nans fethus an re medhwys gans gwin!

Yeremia 12:8

Ow ertach yw ragov avel lew y'n goeswik; kria a wra er ow fynn: ytho my a'n kas.

Yeremia 22:14

neb a lever, ‘My a dhrehav dhe'm honan chi efan gans chambouryow gwarthav ledan’, hag a dregh fenestri ragdho, ha'y nen a gederwydh, hag urys gans vermeyl.

Yeremia 22:5

Mes mar ny woslewowgh orth an geryow ma, my a de re'm honan, yn-medh an Arloedh, y fydh an chi ma magor.

Yeremia 44:26

Rakhenna klewewgh ger an Arloedh, hwi oll a Yuda usi trigys yn pow Ejyp: Otta, my a de der ow hanow meur, yn-medh an Arloedh, na vydh ow hanow leverys yn ganow gour vyth a Yuda yn pow Ejyp oll, ow leverel, “Dell vew an Arloedh.”

Yeremia 49:13

Rag my re dos re'm honan, yn-medh an Arloedh, y fydh Bosra euth ha skorn ha difeyth ha molleth; ha'y sitys oll a vydh magoryow bys vykken.

Yeremia 51:14

Arloedh an luyow re dos re y honan: Yn sur my a'th lenow gans luyow avel hes lokustes, hag i a sev garm budhogoleth warnas.

Kynvannow 2:5

An Arloedh o kepar hag eskar, ev re gollonkas Ysrael; ev re gollonkas oll y lysyow, ev re dhistruis y dhinasow; ha palshe yn myrgh Yuda drem ha kynvann.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Hosea 11:6

An kledha a wra troyllya erbynn y sitys, ha distrui an varrys a'y yetys, ha'ga dybri drefenn aga thowlow.

Levitikus 26:11

Ha my a sett ow thabernakel yn agas mysk, ha ny wra ow spyrys agas aborrya.

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Amos 3:11

Rakhenna yndellma y lever an Arloedh Duw: Eskar a omsett a-dro dhe'n vro ha dri dhe'n leur agas nerth, ha pyllys vydh agas palesyow.

Amos 4:2

An Arloedh Duw re dos ren y sansoleth: Otta dydhyow a dheu warnowgh ma'gas kemmerons dhe-ves gans kerdyn, ha'n diwettha ahanowgh gans higennow-pysk.

Amos 5:21

Kasa ha dispresya agas goelyow a wrav, ha ny garav sawer agas kuntellesow solem.

Amos 8:3

Kanow an tempel a dheu ha bos oelva y'n jydh na, yn-medh an Arloedh Duw. Y fydh meur a gorfow marow, tewlys a-dro yn pub le: taw!

Amos 8:7

An Arloedh re dos re woeth Yakob: Yn sur, nevra ny ankovav travyth a'ga gweythresow!

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.

Dewteronomi 32:19

Mes an Arloedh a welas ha'ga skonya, serrys gans y vebyon ha'y vyrghes.