Amos 6:6 - An Bibel Kernewek 20234 (Kernewek Kemmyn)

⁶ I a yv gwin yn bollow owth omuntya gans oylys a'n finna, mes nyns yns i duwenhes drefenn terroes Yosep!

Amos 6:6 Iomraidhean Croise

Jenesis 49:22

‘Skorrenn leun a frut yw Yosep, skorrenn leun a frut ryb fenten. Yma y varrow ow resek dres an ke.

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

Ester 3:15

An boenyoryon eth dhe-ves toeth men herwydh gorhemmynn an myghtern, ha dyllys veu an arghadow yn Shushan an bennsita. An myghtern ha Haman a esedhas rag eva; mes penndegys o an sita Shushan.

Ysay 28:1

Go-hi gurun woethus pennow-medhow Efraym, ha bleujenn gwedhrys y dekter splann, usi war benn nans fethus an re medhwys gans gwin!

Ysay 5:12

Yma sowtri ha telynn, tabourik ha pibow, ha gwin yn aga gwledhow, mes ny virons orth gweyth an Arloedh, na gweles ober y dhiwla.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Hosea 3:1

Ena an Arloedh a leveris dhymm arta, ‘Ke, kar benyn yw kares kentrevek, hag avoutres, kepar ha kerensa an Arloedh orth mebyon Ysrael, kyn treylyons dhe dhuwow erell, ha kara tesennow-grappys.’

Amos 2:8

War dhillas kemmerys yn goestel i a wrowedh ryb pub alter; ha gwin a'n re neb re beu spalys a evons yn chi aga Duw.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Yowann 12:3

Ena Maria a gemmeras peuns a unyent, nard pur, meur y bris, hag untya treys Yesu, ha sygha y dreys gans hy gols; ha'n chi a veu lenwys a ethenn an unyent.

Romanyon 12:15

Lowenhewgh gans an re a lowenha, oelewgh gans an re a oel;

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.

1 Timothi 5:23

Na wra eva dowr namoy, mes gwra devnydh a nebes win rag dha las ha'th klevesow menowgh.