Amos 6:13 - An Bibel Kernewek 20234 (Kernewek Kemmyn)

¹³ Hwi a lowenha yn Lo-debar, ow leverel, ‘A ny wrussyn gans agan nerth agan honan kemmeres ragon Karnaym?’

Amos 6:13 Iomraidhean Croise

2 Myghternedh 13:25

Ena Yehoash mab Yehoahaz a dhaskemmeras dhiworth leuv Ben-hadad mab Hazael an sitys a gemmersa dhiworth leuv Yehoahaz y das yn bresel. Teyrgweyth Yehoash a'n fethas, ha daskavoes sitys Ysrael.

2 Myghternedh 14:25

Ev a dhaswrug or Ysrael dhiworth Lebo-hamath bys yn mor Araba, herwydh ger Arloedh Ysrael, a gewsis dre leuv y was Yona mab Amittay, an profoes a Gath-hefer.

Job 31:25

mar lowenhis drefenn bos meur ow golusogneth, po drefenn ow leuv dhe waynya meur;

Job 31:29

‘Mar lowenhis drefenn anfeus ow eskar po bos heudh pan wrug drog y gavoes

Job 8:14

Y fydhyans yw neus munys an hav, ha gwias kevnisenn yw y fydh.

Job 8:15

Ev a boes erbynn y ji mes ny sev; ev a'n dalghenn mes ny dhur.

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Salmow 75:4

My a leveris dhe'n re woethus, ‘Na vostyewgh’, ha dhe'n debeles, ‘Na dhrehevewgh agas korn.

Salmow 75:5

Na dhrehevewgh agas korn mar ughel, ha na gewsewgh howtyn dha gonna.’

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ysay 7:1

Yn dydhyow Ahaz mab Yotham mab Uzzia, myghtern Yuda, Resin myghtern Aram ha Pekagh mab Remalia myghtern Ysrael a yskynnas dhe Yerusalem dhe werrya er hy fynn, mes ny allas hy fetha.

Ysay 7:4

Ty a lever dhodho, Bydh war, hag omwith kosel. Na borth own, na vydh digolonnek drefenn an dhew stokk ma a yttewi ow megi, drefenn sorr fers Resin hag Aram ha mab Remalia.

Ysay 8:6

Drefenn an bobel ma dhe nagha dowrow Shiloagh, usi ow mos yn kosel, ha teudhi yn own a Resin mab Remalia;

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 29:9

Pow Ejyp a vydh ynyalder ha difeyth. Ena i a woer my dhe vos an Arloedh. Rag ty dhe leverel, ‘An avon yw dhymm, ha my a's gwrug’,

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Yona 4:6

Ha'n Arloedh Duw a dharbaris risinenn, hag i a devis yn-bann dres Yona, may fe skeus war y benn, dh'y dhifres a'y anken. Ha pur lowen o Yona drefenn an risinenn.

Sefania 3:11

Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Zekaria 1:19

My a leveris dhe'n el esa ow kewsel orthiv, ‘Pyth yw an re ma?’ Ev a worthybis dhymm, ‘I yw an kern a skattras Yuda, Ysrael, ha Yerusalem.’

Yowann 16:20

Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

Jamys 4:16

Mes lemmyn hwi a vost yn agas goeth. Oll bostya a'n par na yw drog.

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.

Breusysi 9:27

Wosa i dhe vos yn-mes dhe'n mes, ha kuntell grappys a'ga gwinlannow ha'ga trettya, i a synsis dy'goel. Ena i a entras yn chi aga duw hag eva, ha milliga Abimelek.

1 Samuel 4:5

Pan dheuth argh kevambos an Arloedh a-bervedh y'n kamp, oll Ysrael a armas gans garm ughel, may tassonas an dor.