Amos 5:6 - An Bibel Kernewek 20234 (Kernewek Kemmyn)

⁶ Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Amos 5:6 Iomraidhean Croise

2 Samuel 19:20

Rag my dha was a woer my dhe begha, hag otta devedhys ov hedhyw, an kynsa dhiworth oll chi Yosep dhe dhos yn-nans dhe vetya ow arloedh an myghtern.’

1 Myghternedh 11:28

Yeroboam o gour pur alloesek, ha pan welas Solomon bos an gour yowynk diwysyk ev a'n gwrug rewler war oll an lavur konstrynys a ji Yosep.

2 Kroniklys 34:25

Drefenn i dhe'm gasa ha leski offrynnow dhe dhuwow erell, bys ma'm sorrsons gans oll oberow aga diwdhorn, ow honnar a vydh diverys war an tyller ma, ha ny vydh difeudhys.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 69:33

Rag an Arloedh a glew an re edhommek, ha ny dhispres ev an brisnoryon.

Eksodus 22:6

Pan dardh tan ha kavoes spern may fydh leskys bern a vanalow po an ys po an gwel, ev neb a enowis an tan a wra daskorrans leun.

Ysay 1:31

An den krev a vydh avel garrow lin, ha'y ober avel gwryghonenn; aga dew a lesk war-barth heb denvyth dh'aga difeudhi.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ysay 55:6

Hwilewgh an Arloedh hedre vo dhe gavoes, gelwewgh warnodho hedre vo yn ogas;

Yeremia 38:20

Mes Yeremia a leveris, ‘Ny'th telivrons. Goslow, my a'th pys, orth lev an Arloedh a gowsav dhis, hag y fydh da genes, ha'th enev a vew.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Ezekiel 21:3

ha lavar dhe diredh Ysrael, Yndellma y lever an Arloedh: Awottavy er dha bynn; my a denn ow kledha dhiworth y woen ha treghi dhiworthis an den gwiryon ha'n tebelwas.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ezekiel 37:19

lavar dhedha, Yndellma y lever an Arloedh Duw: Otta, my a gemmer prenn Yosep usi yn leuv Efraym, ha loethow Ysrael y gowetha ha'ga junya gans prenn Yuda ha'ga gul dhe vos unn prenn, hag i a vydh onan y'm leuv.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

Amos 5:14

Hwilewgh dader, a-der droktra, may fewewgh; ena Arloedh an luyow a vydh genowgh, poran kepar dell leversowgh.

Amos 5:4

Rag yndellma y lever an Arloedh dhe ji Ysrael: Hwilewgh vy ha bewa,

Amos 6:6

I a yv gwin yn bollow owth omuntya gans oylys a'n finna, mes nyns yns i duwenhes drefenn terroes Yosep!

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Dewteronomi 4:24

Rag an Arloedh dha Dhuw yw tan ow tevorya, Duw avius.

Yoshua 18:5

Rynnewgh an tir yn seyth rann. Yuda a bes yn y diredh a'n dhyghowbarth, ha chi Yosep a bes yn aga thiredh a'n gledhbarth.