Amos 5:16 - An Bibel Kernewek 20234 (Kernewek Kemmyn)

¹⁶ Rakhenna yndellma y lever an Arloedh, Duw an luyow, an Arloedh: Yn plenys oll y fydh oelva, hag y'n stretys oll i a lever ‘Ellas, ellas!’ Gelwel a wrons an tiek dhe gynvann, ha dhe oelva an re a woer kyni.

Amos 5:16 Iomraidhean Croise

2 Kroniklys 35:25

Yeremia a gewsis kynvann war-lergh Yosia; hag oll an ganoryon ha'n kanoresow re gampoellas Yosia yn aga hynvannow bys y'n jydh ma. I a's gwrug ordenans yn Ysrael. Skrifys yns y'n Kynvannow.

Ysay 15:8

Ytho an arm res eth oll a-dro dre dir Moab; hy oelva a dheu bys yn Eglaym, hy oelva bys yn Beer-elim.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Yeremia 30:5

Rag yndellma y lever an Arloedh: Ni re glewas kri a skruth, own a-der kres.

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Yeremia 9:16

My a wra aga skattra yn mysk an kenedhlow, na aswonnis naneyl i na'ga thasow: ha my a wra dannvon kledha war aga lergh bys pan y's diswrav yn tien.

Hosea 4:3

Rakhenna an tir a dhesygh, ha myns eus trigys ynno a wedher, gans bestes an gwel, ydhyn an nevow; ynwedh puskes an mor a wra merwel.

Yoel 1:11

Kemmerewgh meth, hwi diogyon; oulyewgh, a hwi wonedhysi gwinlannow, rag an gwaneth ha rag an heydh, drefenn bos diswrys trevas an gwel.

Yoel 1:14

Sakrewgh penys, gelwewgh kuntelles solem, kuntellewgh an dus hen, oll annedhysi an tir, yn chi an Arloedh agas Duw, ha kriewgh war an Arloedh.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Yoel 1:8

Gwra kyni avel gwyrghes grogysys gans yskar rag gour hy yowynkneth.

Amos 3:13

Klewewgh ha testewgh erbynn chi Yakob, yn-medh an Arloedh Duw, Duw an luyow,

Amos 5:27

Ytho my agas deg yn divroedh dres Damaskus, yn-medh an Arloedh, Duw an luyow y hanow.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Amos 8:3

Kanow an tempel a dheu ha bos oelva y'n jydh na, yn-medh an Arloedh Duw. Y fydh meur a gorfow marow, tewlys a-dro yn pub le: taw!

Mika 1:8

Rag hemma y hwrav vy galari ha kyni; mos a wrav dieskis ha lomm, my a wra kynvann avel an owrgeun, ha drem avel an strusyow.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’

Diskwedhyans 18:19

Hag i a dewlis doust war aga fenn, hag a armas, owth oela, hag ow kyni, ow leverel, ‘Tru, tru, an sita vras, may feu seul a'n jevo lestri y'n mor gwrys rych dre hy hevoeth! rag yn unn our hi re beu gwrys difeyth.’