Amos 5:14 - An Bibel Kernewek 20234 (Kernewek Kemmyn)

¹⁴ Hwilewgh dader, a-der droktra, may fewewgh; ena Arloedh an luyow a vydh genowgh, poran kepar dell leversowgh.

Amos 5:14 Iomraidhean Croise

Jenesis 39:23

Ny wrug gwithyas an prison vri a dravyth re bia gorrys yn y leuv, rag yth esa an Arloedh ganso; ha dhe bup-tra a wre, an Arloedh a ros sewena.

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 97:10

Hwi neb a gar an Arloedh, kesewgh drog; ev a with enevow y syns; ev a's delirv dhiworth dorn an debeles.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Lavarow Koth 11:27

Neb a hwila dader yn fen a gyv favour, mes droktra a dheu dhe neb a'n hwila.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Amos 3:3

A yll dew kerdhes war-barth marnas i a sett an prys?

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Niverow 16:3

hag i a omguntellas war-barth erbynn Moyses hag erbynn Aron, ha leverel dhedha, ‘Hwi res eth re bell! Rag oll an kuntelles yw sans, peub anedha, hag yma an Arloedh yn aga mysk; ytho prag yth omughelhowgh a-ugh kemmynieth an Arloedh?’

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

2 Timothi 4:22

An Arloedh re bo gans dha spyrys. Gras genowgh hwi.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’