Amos 5:13 - An Bibel Kernewek 20234 (Kernewek Kemmyn)

¹³ Rakhenna, tewel a wra an den fur yn termyn a'n par na; rag droktermyn yw.

Amos 5:13 Iomraidhean Croise

2 Myghternedh 18:36

Mes an bobel a dewis, ha ny worthybsons dhodho ger, drefenn bos gorhemmynn an myghtern, ‘Na worthybewgh dhodho.’

Job 32:16

Eus edhomm my dhe wortos, rag ny gewsons, rag i dhe sevel ena, ha ny worthybons na fella.

Salmow 38:14

Hag yth ov vy avel den na glew, ha nag eus gorthyp yn y anow.

Ekklesiastes 3:7

Prys frega ha prys gwrias; prys tewel ha prys kewsel.

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Ysay 36:21

Mes i a dewis ha ny worthybsons dhodho ger, drefenn bos gorhemmynn an myghtern, ‘Na worthybewgh dhodho.’

Ysay 37:3

Yn-medhons dhodho, ‘Hezekia a lever hemma: An jydh ma yw dydh a alar ha keredh ha bismer; rag mebyon re dheuth bys min konna an brys, mes nyns eus nerth dhe dhineythi.

Hosea 4:4

Byttegyns bynner re striffyo denvyth, ha bynner re gerettho denvyth, rag er dha bynn yma ow hen, A oferyas.

Amos 6:10

An ewnter a dhen, ev neb wra y leski, a'n drehav, dhe dhri an eskern yn-mes a'n chi, hag ev a lever dhe nebonan a-bervedh y'n chi, ‘Eus nebonan hwath genes?’ Ev a worthyp, ‘Nag eus’, hag ena ev a lever, ‘Taw! Res yw na vo menegys hanow an Arloedh.’

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Efesianys 6:13

Rakhenna, kemmerewgh leun-arvwisk Duw may hallowgh sevel y'n drog dhydh, ha wosa gul pup-tra, sevel hwath.

2 Timothi 3:1

Ha godhvydh hemma, y'n diwettha dydhyow y teu termynyow kales,