Amos 5:12 - An Bibel Kernewek 20234 (Kernewek Kemmyn)

¹² Rag my a woer agas kammweythresow pals, ha'gas peghosow bras, owth arvedh an den gwiryon, ow kemmeres falswober, hag ow treylya a-denewen an edhommogyon y'n yet.

Amos 5:12 Iomraidhean Croise

Job 20:19

Rag ev a arwaskas an voghosogyon ha'ga forsakya, drefenn ev dhe gemmeres dhe-ves dre nerth chi na dhrehevis ev.

Job 31:21

mar trehevis ow leuv erbynn an omdhivas, drefenn bos genev delanwes y'n lys,

Salmow 127:5

Gwynnvys an gour re lenwis y woen-sethow anedha; ny berthons meth pan gewsons orth aga eskerens y'n porth.

Eksodus 23:3

na ny faverydh den boghosek yn y gen.

Eksodus 23:6

Ny wredh kammdreylya gwirvreus rag dha dhen boghosek yn y gen.

Lavarow Koth 17:8

Falswober yw haval dhe ven hudel yn dewlagas an riyas; plepynag y treyl ev a sewen.

Lavarow Koth 22:22

Na lader dhiworth an boghosek rag y vos boghosek; na vrew an edhommek orth an yet.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 29:21

an re a dhampen den der er, ha gorra maglenn rag an darsiwyas y'n yet, ha treylya breus an den gwiryon gans fals dhustuni.

Ysay 33:15

An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Ysay 47:9

An dhew dra ma a dheu warnas, a-dhistowgh, a-ji dhe unn jydh: koll fleghes ha gwedhowses a dheu warnas yn leun, yn despit dhe'th husow pals, ha galloes meur dha worhanow.

Ysay 5:23

neb a dhelirv an kablus dhe wari rag falswober, ha kemmeres ewnder dhe-ves dhiworth an dus wiryon.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Kynvannow 3:34

Pan vydh brewys yn-dann droes oll prisnoryon an tir,

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Hosea 5:3

My a aswonn Efraym, hag Ysrael nyns yw kudhys ragov: rag lemmyn ty re wrug fornikasyon, A Efraym, hag Ysrael yw defolys.

Amos 2:16

Ha'n moyha kolonnek yn mysk an gasoryon a fi noeth y'n jydh na, yn-medh an Arloedh.

Amos 2:3

ha my a dregh an breusyas yn-mes a-dhiworti, ha ladha oll hy fennsevigyon ganso, yn-medh an Arloedh.

Amos 5:10

Kasa a wrons an den a geredh y'n yet, hag aborrya an den a gews an gwirder kowal.

Amos 5:7

A hwi neb a dreyl gwirvreus yn fuelenn, ha tewlel ewnder dhe'n dor!

Amos 8:4

Klewewgh hemma, hwi neb a stank war an edhommek ha diswul boghosogyon an tir,

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Dewteronomi 16:18

Ty a re breusysi ha soedhogyon yn oll dha yetys a wra an Arloedh dha Dhuw aga ri dhis, dre dha loethow; hag i a vreus an bobel gans gwirvreus.

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Jamys 5:6

Hwi re dhampnyas ha ladha an den gwiryon; ny sev ev orthowgh.

Ruth 4:1

Boaz eth yn-bann dhe'n yet hag esedha ena, hag otta, yth esa an neskar ow tremena, may hwrussa Boaz kewsel anodho, hag yn-medh Boaz, ‘Deus omma hag esedh omma, ty gothman’, hag ev a dreylyas a-denewen hag esedha.

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.