Amos 5:11 - An Bibel Kernewek 20234 (Kernewek Kemmyn)

¹¹ Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Amos 5:11 Iomraidhean Croise

Job 20:19

Rag ev a arwaskas an voghosogyon ha'ga forsakya, drefenn ev dhe gemmeres dhe-ves dre nerth chi na dhrehevis ev.

Ysay 16:10

Lowena ha heudhder yw kemmerys dhiworth an tir feyth, hag y'n gwinlannow denvyth ny gan, na garma yn lowen; denvyth ny drett gwin y'n gwinwaskow. My re wrug an arm dhe hedhi.

Ezekiel 26:12

I a byll dha rychys hag a breydh dha wara; i a derr dhe'n dor dha fosow ha distrui dha jiow desiradow; hag i a dewl dha veyn ha'th prennyer ha dha dhoust yn kres an mor.

Ezekiel 34:21

Rag hwi dhe herdhya gans tenewen ha skoedh, ha kornya gans agas kern oll an re gwann, bys pan wrussowgh aga skattra dhe-ves,

Hosea 9:2

Ny wra an leur-drushya na'n gwinwask aga boesa, ha'n gwin nowydh a's toell.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Amos 2:6

Yndellma y lever an Arloedh: Rag tri hammweythres a Ysrael, ha rag peswar, ny wrav vy hepkorr an kessydhyans; drefenn i dhe wertha an den gwiryon a arghans, ha'n edhommek a dhiw eskis.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Amos 3:15

Brewi a wrav an gwavos war-barth gans an havos, ha mos dhe goll a wra an chiow a dhans olifans, ha distruys vydh an chiow bras, yn-medh an Arloedh.

Amos 3:9

Diskleryewgh dhe'n palesyow yn Ashdod, ha dhe'n palesyow yn pow Ejyp, ha leverewgh: ‘Omguntellewgh war venydhyow Samaria, ha gwelewgh an lies arwask eus ynni, ha'n dus arweskys a-berth ynni.’

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 6:11

Rag otta, an Arloedh a worhemmynn, hag ev a wysk an chi bras yn magoryow, ha'n chi byghan a vydh terrys dhe demmyn.

Amos 6:12

A wra mergh poenya war garnek? A wra den aras ena gans oghen? Mes hwi re dreylyas ewnder yn kegis, ha'n frut a wiryonedh yn fuelenn.

Amos 8:4

Klewewgh hemma, hwi neb a stank war an edhommek ha diswul boghosogyon an tir,

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Mika 1:6

Rakhenna y hwrav a Samaria karnedh y'n gwel, tyller rag plansa gwinbrennyer; ha my a dhinwa hy meyn y'n nans, ha diskudha hy selyow.

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Mika 6:15

Ty a wra hasa mes ny vysydh; ty a wra trettya olivennow, mes ny omuntydh gans oyl; ty a wra trettya grappys, mes ny evydh gwin.

Sefania 1:13

Aga rychys a dheu ha bos preydh, ha'ga chiow forsakys: i a dhrehav chiow heb triga ynna, hag i a blans gwinlannow heb eva aga gwin.

Haggay 1:6

Hwi a hasas kemmys, ha doen boghes tre; hwi a dheber mes nyns eus lowr dhywgh; hwi a yv mes ny omvedhwowgh; hwi a omwisk mes nyns yw denvyth toemm; ha'n re neb a dhendil gober a dhendil gober yn yalgh gans tell.

Malaki 1:4

Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys gans an Arloedh bys vykken.

Dewteronomi 28:30

Ty a vydh ambosys dhe venyn, ha gour arall a's defol; ty a dhrehav chi, mes ny drigydh ynno; ty a blans gwinlann, mes ny wredh devnydh anedhi.

Jamys 2:6

Mes hwi a dhisenoras an boghosek. A ny'gas begh an dus rych? A ny'gas tennons a-dherag lysyow breus?