Amos 5:1 - An Bibel Kernewek 20234 (Kernewek Kemmyn)

¹ Klewewgh an ger ma a dhrehavav er agas pynn, galargan, A ji Ysrael:

Amos 5:1 Iomraidhean Croise

Yeremia 18:13

Rakhenna yndellma y lever an Arloedh: Govynnewgh yn mysk an kenedhlow, Piw re glewas traow a'n par ma? An wyrghes Ysrael re wrug tra pur euthyk.

Yeremia 7:29

Trogh dha wols, ha'y dewlel dhe-ves, drehav kynvann war an ugheldiryow moel, rag an Arloedh re naghas ha forsakya henedh y gonnar.

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Yeremia 9:17

Yndellma y lever Arloedh an luyow: Bedhewgh avisys, ha kriewgh war an kynoresow, may teffons; ha dannvenewgh war-lergh an kynoresow konnyk, may teffons:

Yeremia 9:20

Ytho klewewgh ger an Arloedh, hwi venynes, ha gwres agas skovarn degemmeres an ger a'y anow, ha dyskewgh kynvann dh'agas myrghes, ha peub dh'y hentrevek galargan:

Yeremia 9:9

A ny wrav vy aga hessydhya drefenn an traow ma? yn-medh an Arloedh: a ny vydh ow enev diellys war genedhel a'n par ma?

Ezekiel 19:1

Ty, drehav galargan rag pennsevigyon Ysrael,

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Ezekiel 26:17

I a dhrehav galargan warnas, ha leverel dhis, Fatell osta distruys, annedhyades an moryow, an sita gerys-da, neb a veu krev war an mor, hi ha'y annedhysi; hi neb a worras hy euth war oll hy annedhysi!

Ezekiel 27:2

Ty, A vab den, drehav kynvann erbynn Tyr.

Ezekiel 28:12

Mab den, drehav galargan war vyghtern Tyr, ha lavar dhodho, Yndellma y lever an Arloedh Duw: Ty o an sel a berfydhder, leun a furneth, perfydh yn tekter.

Ezekiel 32:16

Homm yw an alargan a ganons. Myrghes an kenedhlow a's kan; i a's kan war Ejyp ha war oll hy routh, yn-medh an Arloedh Duw.

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Amos 3:1

Klewewgh an ger ma a leveris an Arloedh er agas pynn, mebyon Ysrael, erbynn an teylu oll a wrugavy y dhri yn-mes a bow Ejyp, ow leverel:

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 5:16

Rakhenna yndellma y lever an Arloedh, Duw an luyow, an Arloedh: Yn plenys oll y fydh oelva, hag y'n stretys oll i a lever ‘Ellas, ellas!’ Gelwel a wrons an tiek dhe gynvann, ha dhe oelva an re a woer kyni.

Amos 8:14

An re a de re'n peghes a Samaria, ha leverel, ‘Dell vew dha dhuw, A Dan!’ ha ‘Dell vew fordh Beer-sheba’, a goedh, ha ny sevons arta.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’