Amos 4:3 - An Bibel Kernewek 20234 (Kernewek Kemmyn)

³ Ha hwi a dhe-ves der aswaow an fosow, pub huni yn-rag yn unn rew; ha tewlys yn-mes vydhowgh dhe Harmon, yn-medh an Arloedh.

Amos 4:3 Iomraidhean Croise

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

2 Myghternedh 7:15

I eth war aga lergh bys y'n Yordan; hag otta, oll an fordh o leun a dhillas ha daffar tewlys dhe-ves gans Aram yn-dann fyski. Ytho an kannasow a dhehwelis ha derivas dhe'n myghtern.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Ysay 31:7

Rag y'n jydh na pubonan ahanowgh a dhenagh y idolys owrek a wrug agas diwla dhywgh yn pegh.

Yeremia 52:7

Ena aswa a veu gwrys yn fos an sita; hag oll an soudoryon a fias ha mos yn-mes a'n sita yn nos dre fordh an yet ynter an dhiw fos, ryb lowarth an myghtern, kynth esa an Kaldeanys oll a-dro dhe'n sita. I eth war-tu ha'n Araba.

Ezekiel 12:12

An pennsevik usi yn aga mysk a dhrehav y fardellow war y skoedh y'n tewlder, ha mos dhe-ves; ev a bal toll y'n fos ha'ga doen dhe-ves dredho; ev a gudh y fas, ma na allo gweles an dor gans y dhewlagas.

Ezekiel 12:5

Pal toll ragos der an fos a-wel dhedha, ha dro dha fardellow dredho.

Amos 6:7

Ytho lemmyn i a vydh an kynsa ow mos yn divroedh, ha kevewi an re a omystynn yn lows a hedh.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Breusysi 5:17

Gilead a bowesas dres an Yordan; ha Dan, prag y triga ev gans an gorholyon? Asher a esedha stag orth an arvor, ow triga ryb y ankorvaow.