Amos 4:2 - An Bibel Kernewek 20234 (Kernewek Kemmyn)

² An Arloedh Duw re dos ren y sansoleth: Otta dydhyow a dheu warnowgh ma'gas kemmerons dhe-ves gans kerdyn, ha'n diwettha ahanowgh gans higennow-pysk.

Amos 4:2 Iomraidhean Croise

Salmow 89:35

Unnweyth re des vy re'm sansoleth; ny wowlavarav orth Davydh.

Salmow 89:36

Y has a dhur bys vykken, ha'y se a vydh avel an howl a-dheragov.

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Ezekiel 29:4

Mes my a worr higow y'th tiwen ha gul dhe buskes dha avonyow glena orth dha skans. My a'th tre yn-bann yn-mes a'th avonyow, gans oll puskes dha avonyow ow klena orth dha skans.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 38:4

My a'th treyl a-dro ha gorra higow y'th tiwen, ha'th tri yn-mes gans oll dha lu, mergh ha marghogyon, i oll gwiskys yn arvwisk leun, kowethas bras, i oll gans boklers ha skoesow, i oll ow synsi kledhedhyow.

Amos 6:8

An Arloedh Duw re dos ren y enev y honan (yn-medh an Arloedh, Duw an luyow): Kas genev yw goeth Yakob, ha kas genev yw y balesyow; ha my a dhaskorr an sita ha pup-tra eus ynni.

Amos 8:7

An Arloedh re dos re woeth Yakob: Yn sur, nevra ny ankovav travyth a'ga gweythresow!