Amos 4:13 - An Bibel Kernewek 20234 (Kernewek Kemmyn)

¹³ Rag otta, ev neb a form an menydhyow ha gul an gwyns, neb a dheklar y vrys dhe vab-den; neb a dreyl an myttin dhe dewlder, ha stankya war dylleryow ughel an norvys – an Arloedh, Duw an luyow yw y hanow!

Amos 4:13 Iomraidhean Croise

Job 9:7

Ev a worhemmynn dhe'n howl, ha ny dhrehav; ha gorra sel war an ster.

Salmow 135:7

Ev a wra dhe'n kommol yskynna dhiworth penn an nor; ev a wra lughes rag an glaw, ow tri an gwynsow yn-mes a'y dresorvaow.

Salmow 139:2

Ty a aswonn ow esedha ha'm sevel; ty a gonvedh ow frederow a bellder.

Salmow 147:18

Ev a dhyllo y lavar ha'ga theudhi; ev a wra dh'y wyns hwytha, ha'n dowrow a dhewrak.

Salmow 65:6

Der y nerth y hwra ev fastya an menydhyow; yma grogys a alloes a-dro dhodho.

Eksodus 10:22

Ytho Moyses a ystynnas y dhorn war-tu ha nev, hag yth esa tewlder tew yn pow Ejyp oll dre dri dydh;

Eksodus 14:20

ow tos yntra kamp Ejyp ha kamp Ysrael. Hag yth esa an gommolenn ena gans an tewlder; ha'n nos a dremenas heb an eyl ow tos nes dh'y gila der oll an nos.

Ysay 40:12

Piw yw re vusuras an dowrow yn palv y leuv, ha re verkyas an nevow gans dornva, ha re synsis doust an bys yn musurva, ha re boesas an menydhyow yn mantol ha'n breow yn balans?

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Ysay 47:4

Agan dasprenyas, Arloedh an luyow y hanow, an Sans a Ysrael.

Ysay 48:2

Rag i a omhenow war-lergh an sita sans, ha fydhya yn Duw Ysrael; Arloedh an luyow yw y hanow.

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Yeremia 10:13

Orth son y lev, yma tervans dowrow y'n nevow, hag ev a wra niwlow dhe yskynna a bennow an norvys; ev a wra lughes gans glaw, ha dri yn-rag gwynsow a'y dresorvaow.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 46:18

Dell vewav, yn-medh an Myghtern, ha'y hanow Arloedh an luyow, nebonan a dheu kepar ha Tabor y'n menydhyow, ha kepar ha Karmel ryb an mor.

Yeremia 51:16

Pan dhrehav y lev yma tervans dowrow y'n nevow, hag ev a wra niwl dhe sevel a-dhiworth pennow an nor. Ev a wra lughes gans an glaw, hag ev a dhre gwyns yn-mes a'y dresoryow.

Yeremia 51:19

Nyns yw rann Yakob avella, rag ev yw Gwrier pup-tra, hag Ysrael yw loeth y eretons; Arloedh an luyow yw y hanow.

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Daniel 2:30

A-dro dhymmo vy, nyns yw dre furneth eus ynnov moy es dell eus yn tus vew oll, y feu diskudhys dhymm an kevrin ma, mes rag may fo an styr diskudhys dhe'n myghtern, ha rag mayth aswonni prederow dha golonn.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Amos 3:13

Klewewgh ha testewgh erbynn chi Yakob, yn-medh an Arloedh Duw, Duw an luyow,

Amos 5:27

Ytho my agas deg yn divroedh dres Damaskus, yn-medh an Arloedh, Duw an luyow y hanow.

Amos 5:8

Ev neb a wrug an Pleyades hag Orion ha treylya tewlder down yn myttin, ha tewlhe an jydh yn nos; neb a elow war dhowrow an mor, ha'ga diveri war enep an dor: an Arloedh yw y hanow

Amos 6:8

An Arloedh Duw re dos ren y enev y honan (yn-medh an Arloedh, Duw an luyow): Kas genev yw goeth Yakob, ha kas genev yw y balesyow; ha my a dhaskorr an sita ha pup-tra eus ynni.

Amos 8:9

Hag y hwyrvydh y'n jydh na, yn-medh an Arloedh Duw, my a wra an howl dhe sedhi y'n hanter-dydh, ha tewlhe an dor yn lagas an howl.

Amos 9:6

ev a dhrehav y'n nevow y jambouryow ughel ha fondya y nen a-ugh an nor; ev a elow dowrow an mor, ha'ga dinewi war enep an nor – an Arloedh yw y hanow.

Mika 1:3

Rag otta, yma an Arloedh ow tos yn-mes a'y dyller, ha diyskynna ha stankya war dylleryow ughel an norvys.

Habakkuk 3:19

An Arloedh Duw yw ow nerth, hag ev a wra ow threys kepar ha treys ewigow, hag ev a wra dhymm kerdhes war ow thylleryow ughel. Dhe'n penn-kenysi war dhaffar kerdyn.

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Matthew 9:4

Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Yowann 2:25

ha nyns esa edhomm dhodho denvyth dhe dhustunia a-dro dhe dhen; rag ev a aswonni pandra esa yn den.

Yowann 3:8

An gwyns a hwyth le may fynno ha ty a glew y son, mes ny wodhes a-ble teu na ple'th a; yndella yw peub neb yw genys dhiworth an Spyrys.’

Dewteronomi 32:13

Ev a wrug dhodho marghogeth war dylleryow ughel an tir, hag ev a dhybris askorr an gwel; ev a wrug dhodho sugna mel yn-mes a'n garrek, hag oyl a ven flynt;

Dewteronomi 33:29

Gwynn dha vys, Ysrael! Piw yw avelos? pobel selwys gans an Arloedh, an skoes a'th weres, kledha dha veuredh. Dha eskerens a dheu dhis ow fekla, ha ty a drett war aga heynow.