Amos 4:10 - An Bibel Kernewek 20234 (Kernewek Kemmyn)

¹⁰ Dannvon a wrug vy warnowgh pla dell wrug yn Ejyp; ladha a wrug vy agas tus yowynk gans an kledha, war-barth gans agas mergh kemmerys yn preydh. My a dhrehevis fler agas kaslysyow bys yn agas dewfrik; byttegyns ny dhehwelsowgh dhymm, yn-medh an Arloedh.

Amos 4:10 Iomraidhean Croise

2 Myghternedh 10:32

Y'n dydhyow na an Arloedh a dhallathas godreghi rannow a Ysrael, ha Hazael a's fethas der oll oryon Ysrael:

2 Myghternedh 13:3

Sorr an Arloedh a dhewis erbynn Ysrael, hag ev a's delivras a-berth yn leuv Hazael myghtern Aram, hag a-berth yn leuv Ben-hadad mab Hazael, dres nebes blydhynyow.

2 Myghternedh 13:7

Nyns esa gesys dhe Yehoahaz lu a voy ages hanter-kans marghek ha deg charett, ha deg mil droesek; rag myghtern Aram re's distrusa, ha re wrussa dhedha bos kepar ha doust drushya.

2 Myghternedh 8:12

Hazael a wovynnas, ‘Prag yth oelydh, ow arloedh?’ Ev a worthybis, ‘Drefenn my dhe wodhvos an drog a wredh dhe fleghes Ysrael: ty a lesk aga heryow, ty a ladh aga gwer yowynk gans an kledha, ha brewi aga fleghigyow, ha skwardya aga benynes hag yw gans flogh.’

Eksodus 10:27

Mes an Arloedh a galeshas kolonn Faro, ha ny vynna aga gasa dhe vones.

Eksodus 10:3

Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 8:19

Ha'n hudoryon a leveris dhe Faro, ‘Hemm yw bys Duw.’ Mes kolonn Faro o kaleshes, ha ny vynna koela orta; dell lavarsa an Arloedh.

Eksodus 9:12

Mes an Arloedh a galeshas kolonn Faro, ha ny woslowas orta; dell gowssa an Arloedh dhe Moyses.

Eksodus 9:17

Hwath yth omughelhydh erbynn ow fobel, ha ny's gesydh dhe vones.

Ysay 34:3

Aga re ledhys a vydh tewlys yn-mes, ha'ga fler a yskynn dhiworth aga horfow; aga goes a res war an menydhyow.

Ysay 50:11

Mes hwi oll yw gwrioryon tan, neb a omwrogys gans yttewi. Kerdhewgh yn flamm agas tan hag yn mysk an yttewi re enowsowgh! Hemm yw an pyth a'gas bydh a'm dorn: Hwi a wrowedh yn tyller a dorment.

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 11:22

Ytho yndellma y lever Arloedh an luyow: Otta, my a's kessydh: an wer yowynk a verow der an kledha; aga mebyon ha'ga myrghes a verow dre dhivoetter.

Yeremia 15:3

Ha my a wra ordena warnedha peswar eghenn a derroes, yn-medh an Arloedh: an kledha dhe ladha, ha'n keun dhe skwardya, hag ydhyn an nev, ha bestes an nor, dhe dhevorya ha dhe dhistrui.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 48:15

Distruer Moab ha'y sitys re dheuth yn-bann, ha'y wer yowynk dhewisys res eth yn-nans dhe'n ladhva, yn-medh an Myghtern, Arloedh an luyow yw y hanow.

Yeremia 49:26

Rakhenna hy gwer yowynk a goedh yn hy stretow, hag oll hy soudoryon a vydh distruys an jydh na, yn-medh Arloedh an luyow.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Yeremia 9:22

Kows, Yndellma y lever an Arloedh: ‘Hwath korfow tus a wra koedha avel teyl war an mes, avel an dhramm war-lergh an myser, ha nagonan ny's kuntell.’

Hosea 11:5

Ny dhehwel dhe bow Ejyp, mes Assyria a vydh y vyghtern, rag i a skonyas a dhehweles dhymm.

Yoel 2:20

Ha my a bellha dhiworthowgh lu an kledhbarth, ha'y fesya yn syghtir ha difeyth, gans y fas troha mor an est, ha'y dhelergh troha mor an howlsedhes; ha'y fler a wra drehevel, ha'y flerynsi a dheu yn-bann. Rag ev re wrug taklow bras.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Amos 4:6

Mes my a ros dhywgh glanythter a dhyns yn agas sitys oll ha fowt a vara yn agas tylleryow oll, ha ny dhehwelsowgh dhymm, yn-medh an Arloedh.

Amos 8:3

Kanow an tempel a dheu ha bos oelva y'n jydh na, yn-medh an Arloedh Duw. Y fydh meur a gorfow marow, tewlys a-dro yn pub le: taw!

Haggay 2:17

My a weskis warnowgh, ha war wriansow oll agas diwleuv, gans kleves losk ha kleves melynheans y'n ys ha keser, mes ny dreylsowgh dhymm, yn-medh an Arloedh.

Dewteronomi 28:21

An Arloedh a wra dhe'n plag glena orthis bys ma'th tileas dhiwar an tir mayth esos ow tos di dh'y erita.

Dewteronomi 28:22

An Arloedh a'th wysk gans kleves gwastya, ha gans terthenn, ha gans fevyr, ha gans brewvann, ha gans an kledha ha gans kleves losk ha kleves melynheans y'n ys, hag i a'th helgh bys pan vydhydh diswrys.

Dewteronomi 28:60

Ev a dhre warnas arta oll disesys Ejyp may perthsys own anedha; hag i a len orthis.

Dewteronomi 7:15

An Arloedh a dreyl dhiworthis pub dises; ha ny sett warnas oll an klevesow vil a Ejyp a wodhves, mes ev a's gorr war oll an re a'th kas.