Amos 4:1 - An Bibel Kernewek 20234 (Kernewek Kemmyn)

¹ Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 4:1 Iomraidhean Croise

1 Myghternedh 16:24

Ev a brenas menydh Samaria a-dhiworth Shemer a dhew dalent a arghans; ev a geras an menydh, ha gelwel an sita a dhrehevis, Samaria, war-lergh hanow Shemer, perghennek an menydh.

Job 20:19

Rag ev a arwaskas an voghosogyon ha'ga forsakya, drefenn ev dhe gemmeres dhe-ves dre nerth chi na dhrehevis ev.

Job 24:4

I a dreyl an edhommogyon dhe denewen dhiworth an fordh; boghosogyon an bys a omgudh war-barth.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 140:12

My a woer y hwra an Arloedh pledya ken an den gwann, ha mentena gwir an voghosogyon.

Salmow 22:12

Terewi pals re dheuth y'm kyrghynn, terewi krev a Bashan a omsett a-dro dhymm;

Lavarow Koth 22:7

An den galloesek a rewl an re voghosek, hag ev neb a gyv kendon yw keth dhe'n gour a'n re.

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 28:1

Go-hi gurun woethus pennow-medhow Efraym, ha bleujenn gwedhrys y dekter splann, usi war benn nans fethus an re medhwys gans gwin!

Ysay 5:8

Go-i a jun chi dhe ji, ha keworra park dhe bark, bys pan na vo tyller gesys, ha nyns eus gesys marnas hwi dhe driga yn kres an wlas.

Ysay 56:12

‘Dewgh’, yn-medhons, ‘gesewgh vy dhe gavoes gwin! Evyn agan gwalgh a gorev. An vorow a vydh avel hemma, po brassa hwath.’

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yeremia 51:34

‘Nebukadnessar myghtern Babylon re'm kollonkas, ev re'm desyghas, ev a wrug dhymm bos lester gwag, ev re'm lonkas avel dragon; ev re lenwis y dorr gans ow taklow denteth, ev re'm trewas y'n mes.

Yeremia 6:6

Rag yndella re gewsis Arloedh an luyow: Terrewgh hy gwydh, ha krugyewgh gweyth-esedhva erbynn Yerusalem: Ogh, sita a falsuri! nyns eus marnas arwask ynni.

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Ezekiel 18:12

neb a arwask an boghosek ha'n edhommek, neb a byll, neb na dhaskorr gaja, neb a dhrehav y dhewlagas dhe idolys, ha gul tra gasadow,

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:29

Pobel an tir re arwaskas ha ladra; i re debeldhyghtyas an boghosek ha'n edhommek, hag arwaska an alyon, ow nagha gwirvreus.

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 39:18

Hwi a dheber kig gwer alloesek, hag eva goes pennsevigyon an nor, hordhes, eyn, gever, terewi, i oll bestes peskys a Bashan.

Yoel 3:3

I re dewlis prenn rag ow fobel, ha kenwertha mebyon rag horys, ha gwertha mowesi rag gwin, mayth effens.

Amos 3:1

Klewewgh an ger ma a leveris an Arloedh er agas pynn, mebyon Ysrael, erbynn an teylu oll a wrugavy y dhri yn-mes a bow Ejyp, ow leverel:

Amos 3:3

A yll dew kerdhes war-barth marnas i a sett an prys?

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Amos 6:1

Go-i an re usi attes yn Sion, ha'n re a omsyns saw war venydh Samaria, yw henwys kynsa an gwlasow, ha dhedha y teu chi Ysrael!

Amos 6:6

I a yv gwin yn bollow owth omuntya gans oylys a'n finna, mes nyns yns i duwenhes drefenn terroes Yosep!

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Niverow 21:33

Ena i a dreylyas ha mos der an fordh dhe Bashan; hag Og myghtern Bashan a dheuth yn-mes er aga fynn, ev ha'y bobel oll dhe vatalyas, yn Edrei.

Dewteronomi 24:14

Na arwask arvethesik neb yw boghosek hag edhommek, onan a'th vreder po a'th alyons eus y'th tir a-ji dhe'th yetys.

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.