Amos 3:15 - An Bibel Kernewek 20234 (Kernewek Kemmyn)

¹⁵ Brewi a wrav an gwavos war-barth gans an havos, ha mos dhe goll a wra an chiow a dhans olifans, ha distruys vydh an chiow bras, yn-medh an Arloedh.

Amos 3:15 Iomraidhean Croise

1 Myghternedh 22:39

Gwriansow erell Ahab, ha pup-tra a wrug ev, ha'n chi a dhans-olifans a dhrehevis, hag oll an sitys a dhrehevis, a nyns yns i skrifys yn lyver kovadhow myghternedh Ysrael?

Salmow 45:8

Yma sawer myrr, aloes ha kassia war dha wiskow oll. Yn-mes a balasys a dhans-olifans, telynnow a'th lowenha.

Ysay 5:9

Arloedh an luyow re leveris y'm diwskovarn: Sur lies chi bras a vydh magor, chiow brav a vydh heb annedhyas.

Yeremia 36:22

Ha'n myghtern o esedhys y'n chi-gwav y'n nawves mis, hag yth esa tan ow leski yn oeles a-ragdho.

Amos 2:5

Ytho my a dhannvon tan war Yuda, dhe dhevorya palesyow Yerusalem.

Amos 3:11

Rakhenna yndellma y lever an Arloedh Duw: Eskar a omsett a-dro dhe'n vro ha dri dhe'n leur agas nerth, ha pyllys vydh agas palesyow.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Amos 6:11

Rag otta, an Arloedh a worhemmynn, hag ev a wysk an chi bras yn magoryow, ha'n chi byghan a vydh terrys dhe demmyn.

Malaki 1:4

Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys gans an Arloedh bys vykken.

Breusysi 3:20

Ehud a dheuth dhodho hag ev owth esedha y honan yn stevell an soler, hag yn-medh ev, ‘Yma genev messaj dhiworth Duw ragos.’ Ytho ev a sevis a'y esedhva.