Amos 3:1 - An Bibel Kernewek 20234 (Kernewek Kemmyn)

¹ Klewewgh an ger ma a leveris an Arloedh er agas pynn, mebyon Ysrael, erbynn an teylu oll a wrugavy y dhri yn-mes a bow Ejyp, ow leverel:

Amos 3:1 Iomraidhean Croise

1 Kroniklys 16:13

A has Ysrael y was, hwi vebyon Yakob, y bobel dewisys.

2 Kroniklys 20:15

Ev a leveris, ‘Goslowewgh oll Yuda ha trigoryon Yerusalem, ha myghtern Yehoshafat: Yndellma y lever an Arloedh dhywgh: “Na vedhewgh ownek na digolonnek orth an routh vras ma; rag nyns yw an vatel dhywgh mes dhe'n Arloedh.

Ysay 46:3

Goslowewgh orthiv, chi Yakob, oll an remenant a ji Ysrael, neb re beu begh warnav a-dhia'n brys, degys a-ban esens y'n dorr;

Ysay 48:12

Goslow orthiv, A Yakob, ha ty Ysrael, neb a elwis: my yw ev; my yw an kynsa, ha my yw an diwettha.

Yeremia 13:11

Rag dell glen an grogys orth diwglun gour, yndella my re wrug oll chi Ysrael hag oll chi Yuda glena dhymm, yn-medh an Arloedh, may fons dhymm pobel, ha hanow, ha gormel, ha glori: mes ny glewsons.

Yeremia 31:1

Dhe'n keth termyn, yn-medh an Arloedh, my a vydh Duw oll teyluyow Ysrael, hag i a vydh ow fobel.

Yeremia 8:3

Mernans a vydh dewisys kyns es bewnans gans oll an re gesys a'n tebel deylu ma, neb a worta yn oll an tylleryow le ma's herdhis, yn-medh Arloedh an luyow.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Hosea 5:1

Klewewgh hemma, a oferysi! Goslowewgh, chi Ysrael! Attendyewgh, A ji an myghtern! An vreus yw er agas pynn, drefenn agas bos antell orth Mispa, ha roes lesys war Tabor.

Amos 2:10

Ha my a'gas dros yn-mes a bow Ejyp, ha'gas hembronk dew-ugens blydhen y'n difeyth rag perghenna bro an Amorysi;

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 5:1

Klewewgh an ger ma a dhrehavav er agas pynn, galargan, A ji Ysrael:

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Mika 3:1

Hag y leveris vy: Klewyewgh, hwi bennow a Yakob, ha rewloryon chi Ysrael! A nyns yw ragowgh hwi dhe aswonn gwirvreus? –

Sefania 2:5

Go-i trigoryon an arvor, kenedhel an Kerethysi! Ger an Arloedh yw er agas pynn: A Kanan, bro an Filistysi, my a'th tistru ma na vydh triger gesys.

Diskwedhyans 2:29

Neb a'n jeves skovarn, klewes ev an pyth a lever an Spyrys dhe'n eglosyow.