Amos 2:8 - An Bibel Kernewek 20234 (Kernewek Kemmyn)

⁸ War dhillas kemmerys yn goestel i a wrowedh ryb pub alter; ha gwin a'n re neb re beu spalys a evons yn chi aga Duw.

Amos 2:8 Iomraidhean Croise

Eksodus 22:25

Mar prestydh arghans dhe nebonan a'm pobel genes neb yw boghosek, ny vydhydh dhodho avel kresysor, ha ny wovynnydh oker anodho.

Ysay 57:7

War venydh ughel hag eksaltys ty re worras dha weli; ynwedh ty a yskynnas ena dhe offrynna sakrifis.

Ezekiel 18:12

neb a arwask an boghosek ha'n edhommek, neb a byll, neb na dhaskorr gaja, neb a dhrehav y dhewlagas dhe idolys, ha gul tra gasadow,

Ezekiel 18:7

nag arwaska denvyth, mes ev a dhaskorr an pyth a gemmeras avel gaja rag prestenn; mar ny wra ladrynsi, mes ev a re y vara dhe'n nownek, ha kwetha an noeth gans dillasenn,

Ezekiel 23:41

Ty a esedhas war weli splann, gans moes pareusys a-ragdho may settsys warnedhi ow ynkys ha'm olew.

Hosea 4:8

I a dheber pegh ow fobel, ha hwansek yns dh'aga hammhynseth.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 6:4

An re usi a'ga growedh war weliow a dhans olifans hag owth omystynna yn lows war aga gweliow-dydh; ow tybri hordhes yowynk dhiworth an flokk, ha leughi yn-mes a'n stall;

Amos 6:6

I a yv gwin yn bollow owth omuntya gans oylys a'n finna, mes nyns yns i duwenhes drefenn terroes Yosep!

1 Korinthianys 10:21

Ny yllowgh hwi eva hanaf an Arloedh ha hanaf dywolow; ny yllowgh hwi kevrenna a voes an Arloedh hag a voes dywolow.

1 Korinthianys 10:7

Na vewgh gordhyoryon idolys, kepar ha rann anedha, dell yw skrifys, ‘An bobel a wrug esedha rag dybri hag eva ha sevel rag gwari.’

1 Korinthianys 8:10

Rag nebonan mara'th wel, ty dhen a wodhvos, owth esedha orth moes yn tempel idol, a ny vydh ev dynys, gwann y gowses, dhe dhybri offrynnow dhe idolys?

Breusysi 9:27

Wosa i dhe vos yn-mes dhe'n mes, ha kuntell grappys a'ga gwinlannow ha'ga trettya, i a synsis dy'goel. Ena i a entras yn chi aga duw hag eva, ha milliga Abimelek.