Amos 2:7 - An Bibel Kernewek 20234 (Kernewek Kemmyn)

⁷ I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Amos 2:7 Iomraidhean Croise

2 Samuel 12:14

Byttegyns, drefenn ty dhe skornya glan an Arloedh der an ober ma, an mab yw genys dhis a verow.’

1 Myghternedh 21:4

Ahab a dhehwelis dhe dre yn poes ha digolonnek drefenn an pyth a leveris dhodho Naboth an Yezreelyas; rag ev re leveris, ‘Ny rov dhis eretons ow thasow.’ Ev a wrowedhas war y weli, treylya dhe-ves y fas, ha ny vynna dybri.

Lavarow Koth 28:21

Nyns yw ragvreusi da, byttegyns a demmik a vara gour a gammwra.

Ysay 10:1

Go-i neb a wra ordenansow kammhynsek, ha'n skriforyon neb a skrif laghys anewn,

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ezekiel 22:11

Ynnos gour re wrug tra gasadow dhe wreg y gentrevek, ha gour a dhefol y wohydh gans vilta, ha gour a dhefol y hwoer, myrgh y das.

Ezekiel 36:20

Pan dheuthons dhe'n kenedhlow, py le pynag y teuthons, i a dhisakras ow hanow sans. Leverys veu anedha, ‘An re ma yw pobel an Arloedh, hwath i res eth a-dhiworth y dir.’

Hosea 4:14

Ny wrav vy kessydhya agas myrghes pan wrons fornikasyon, na'gas gohydhow pan wrons avoutri, rag an wer a slynk dhe-ves gans horys, ha sakrifia gans horys-tempel: pobel heb konvedhes a vydh diswrys.

Levitikus 18:15

Ny wredh diskudha noethedh dha wohydh. Gwreg dha vab yw hi. Ny wredh diskudha hy noethedh.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Levitikus 18:8

Ny wredh diskudha noethedh gwreg dha das. Noethedh dha das yw.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Amos 5:12

Rag my a woer agas kammweythresow pals, ha'gas peghosow bras, owth arvedh an den gwiryon, ow kemmeres falswober, hag ow treylya a-denewen an edhommogyon y'n yet.

Amos 8:4

Klewewgh hemma, hwi neb a stank war an edhommek ha diswul boghosogyon an tir,

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Mika 2:9

Gwragedh ow fobel a fesyowgh a'ga chiow plesont; dhiworth aga fleghesigow hwi a gemmer dhe-ves ow golewder bynitha.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Romanyon 2:24

Rag dell yw skrifys, ‘Hanow Duw yw disenorys yn mysk an kenedhlow dredhos.’

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.