Amos 2:4 - An Bibel Kernewek 20234 (Kernewek Kemmyn)

⁴ Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Amos 2:4 Iomraidhean Croise

2 Myghternedh 17:19

Ny withas Yuda ynwedh gorhemmynnow an Arloedh aga Duw, mes i a gerdhas yn ordenansow gwrys gans Ysrael.

2 Kroniklys 25:14

Wosa Amasia dhe dhehweles dhiworth ladhva an Edomysi, ev a dhros duwow mebyon Seir ha'ga drehevel avel y dhuwow y honan ha'ga gordhya, ha leski offrynnow dhedha.

2 Kroniklys 30:7

Na vedhewgh avel agas tasow ha'gas breder o dislel dhe'n Arloedh, Duw agas tasow, bys ma's gwrug tra a skruth, dell welowgh.

Nehemia 1:7

Ni re omdhug pur dhrog er dha bynn, ha ny withsyn an gorhemmynnow, na'n ordenansow, na'n breusow a erghsys dhe'th was Moyses.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Yeremia 16:11

ena ty a lever dhedha: Drefenn agas tasow dhe'm forsakya, yn-medh an Arloedh, ha kerdhes gans duwow erell, ha'ga servya i, ha'ga gordhya i, ha'm forsakya, ha ny withsons ow lagha;

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 17:27

Mes mar ny woslewowgh orthiv, dhe sanshe dydh an sabot, ha ma na degowgh begh owth entra dhe yetow Yerusalem ganso yn dydh an sabot, ena my a enow tan yn hy yetow hag y hwra distrui palesyow Yerusalem, ha ny vydh difeudhys.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Yeremia 9:14

mes kerdhes war-lergh gorthter aga holonn aga honan, ha war-lergh an Baalim, hag a dhyskas aga thasow dhedha.

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:16

drefenn i dhe dhenagha ow breusow, ha ny gerdhsons y'm ordenansow, hag i a dhisakras ow sabotys; rag yth esa aga holonn ow mos war-lergh aga idolys.

Ezekiel 20:18

My a leveris dh'aga mebyon y'n difeythtir, Na gerdhewgh yn ordenansow agas tasow, ha na withewgh aga breusow, ha na omdhefolewgh gans aga idolys.

Ezekiel 20:24

drefenn na wrens ow breusow, hag i a naghas ow ordenansow, ha disakra ow sabotys, mes yth esa aga lagasow settys war idolys aga thasow.

Ezekiel 20:30

Rakhenna lavar dhe ji Ysrael, Yndellma y lever an Arloedh Duw: A wrewgh omdhefola agas honan yn fordh agas tasow, ow kul avoutri gans aga thaklow kasadow?

Ezekiel 22:28

Hy frofoesi re wynngalghyas ragdha, ow kweles fals welesigethow hag ow kul dewinieth wowek, ow leverel, ‘Yndellma y lever an Arloedh Duw’, pan na gewsis an Arloedh.

Ezekiel 22:8

Ty re dhispresyas ow taklow sans, ha defola ow sabotys.

Hosea 12:2

An Arloedh a'n jeves dadhel gans Yuda, hag ev a gessydh Yakob herwydh y fordhow; ev a attal dhodho wriansow.

Hosea 12:3

Y'n brys ev a synsis y vroder er an seudhel, hag yn y grevder ev a strivyas gans Duw.

Hosea 6:11

Ragos jy ynwedh, A Yuda, yma trevas settys, pan dreylyav kethneth ow fobel.

Amos 1:3

Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Mika 6:12

Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Romanyon 1:25

neb a dreylyas gwirder Duw yn gow hag a wordhya ha servya an kreatur yn le an Gwrier, yw benniges bys vykken. Amen.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Peder 1:18

Hwi a woer na vewgh dasprenys gans taklow a yll pedri, arghans nag owr, dhiworth agas bewedh euver a veu eritys dhiworth agas tasow,

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.